कृषि मन्त्री हरिप्रसाद पराजुलीले मंगलबार राजधानीको मूलपानीमा भएको घटनालाई अनावश्यक रुपमा बढाइचढाइ गरिएको बताएका छन्।
बुधबार साँझ सेतोपाटीका प्रकाश ढुंगाना र भानुभक्तसँग कुरा गर्दै उनले आफूले कुनै दुर्नियत राखेर महिलालाई अभद्र व्यवहार नगरको स्पष्ट पारे। ‘महिलाहरुले हिलोले मलाई छ्यापेपछि जाउँ तपाईंहरु आलीमा बसेर हुन्छ त भनेर दिदी समानकी महिलालाई भनेको हुँ’ पराजुलीले भने ‘खराब नियतले त्यस्तो गरेको भए आसपासका महिला हाँसेर बस्छन त?’
उनले सामाजिक संजाल तथा संसदमा आफ्नो विरोध गर्नुको कुनै अर्थ नभएको पनि बताए। पार्टीले मन्त्रीमण्डलबाट फिर्ता बोलाए जतिबेलापनि जान तयार रहेको भन्दै त्यही घटनालाई लिएर आफूले राजीनामा नदिने बताए। मंगलबारको घटनापछि मन्त्री भइसकेपछि हरेक ठाउँमा सचेत हुनुपर्ने शिक्षा पाएको उनले बताए।
हेर्नुहोस् भिडियोमा
