असार १५ मा आयोजित रोपाइँ कार्यक्रममा कृषिमन्त्री हरिप्रसाद पराजुलीले महिलामाथि गरेको व्यवहारबारे सभासदले संसद बैठकमा कुरा उठाएका छन्।
बुधबारको ब्यवस्थापिका संसदको बैठकको सुरुमा नै एकीकृत नेकपा माओवादीका सभासद जनार्दन शर्माले कृषिमन्त्रीको व्यवहारले सबै नेपालीको शिर निहुरिएको बताए। 'कृषिमन्त्रीले महाजात्रा गर्नुभयो, ठूलो पदमा बस्दैमा सार्वजनिक स्थलमा अभद्र व्यवहार प्रस्तुत गर्नु निन्दनीय छ', उनले भने । शर्माले कृषिमन्त्रीको व्यवहार गम्भीर आपत्तीजनक भएको भन्दै यस विषयमा सरकारको जवाफ पनि माग गरेका छन्।
त्यस्तै नेपाल मजदुर किसान पार्टीकी नेतृ अनुराधा थापाले मन्त्री पराजुलीलाई कानुन बमोजिम कारबाही गर्न माग गरिन्।
कृषि विभागले धान दिवसको अवसरमा काठमाडौंको मुलपानीमा आयोजना गरेको कार्यक्रममा मन्त्री पराजुलीले अश्लिल हर्कत देखाएको भन्दै सामाजिक सञ्जाल लगायत सबैतिर चर्को उनको आलोचना हुँदै आएको छ ।
