नेपाल सरकार मुख्य सचिव लिलामणि पौडेलले आफ्नो देश निमार्णको लागि विदशीको भर पर्न नहुने बताएका छन्।
कालीगण्डकी करिडोर सडक निमार्ण कार्यदल टाकुरे मालढुङ्गा सडक खण्ड बागलुङको शिलान्यास गर्दै मुख्य सचिव पौडेलेले विश्वमा कुनै पनि देशको विकास विदेशीले नगरेको समेत उल्लेख गरेका थिए।
हाल देशमा विकास निमार्णका कामहरु ढिलासुस्ती भएको हुँदा कालीगण्डकी करिडोर बागलुङ खण्डको काम नेपाली सेनालाई जिम्मा दिएको उनले बताए।
नेपाली सेना विकास निमार्णको लागि दक्ष भएको बताउँदै सचिव पौडेलले बिस्फोटको जिम्मेवारी पनि सफलतापूर्वक गर्दै आएको कारणले नेपाली सेनालाई काम निकै प्रशंसनीय हुने विश्वास व्यक्त गरेका थिए।
कालीगण्डकी करिडोर ठेकदार कम्पनीबाट समयमा राम्रो काम हुन नसकेकोले नेपाली सेनालाई जिम्मा दिनुपरेको हो मुख्य सचिव पौडेलले भने ‘कालीगण्डकी करिडोरलाई यस वर्ष टेन्डर आहान नगर्नू भनेर भन्दा समेत जवरजस्ती टेन्डर प्रकाशित गरेको तर त्यसलाई आफूले खारेज गर्न लगाई नेपाली सेनालाई कामको जिम्मेबारी दिएको हुँ।’
कालीगण्डकी करिडोर निमार्णसँग नेपालको पर्यटन प्रवर्द्धनको समेत महत्वपूर्ण भूमिका जोडिएकोले यस खण्डलाई राम्रो र मजबुद नेपाली सेनाले गर्न सक्ने उनको भनाई थियो
नागरिक समाजमा अश्वस्थ प्रतिशपर्धाले विकास निमार्णको काम पछि परेको बताउँदै हरेक क्षेत्र र तह तप्काबाट समाजको लागि काम गर्नुपर्ने कुरामा उनले जोड दिए।
विकास निमार्णमा सङक्रमणकाल भएको देश पछि परेको र अब यसलाई चिर्दै अगाडि बढनुपर्ने बताउँदै छिमेकी मुलुक चीन र भारतसँग जोडिने राजमार्ग भएको हुनाले सवैको पहल र निग्रानी जरूरी रहेको बताए।
मुख्य सचिव पौडेले मुख्य जिल्लामा रहेका कार्यालय प्रमुखहरुलाई निर्देशन कुनै पनि राजनीतिक दलको आडमा नरहि स्वच्छ, निस्पक्ष र जनमुखि र छिटो छरितो रुपमा सेवा ग्राहीलाई सेवा प्रवाह गर्न निर्देशन समेत दिएका छन्।
नेपाली सेनाले ४५ करोड भएमा बागलुङदेखि बुटवलसम्म यातायात सञ्चालनको लागि सडकको ट्रयाक खोल्न सकिने कालिगण्डकी करिडोर सडक निमार्ण कार्यदलका सेनानी इन्जिनियर रेस्मीराम भट्टराईले बताए।
१२ किलोमिटर रहेको टाकुरे मालढुङगा सडक खण्ड बागलुङका आगामी असोजसम्ममा निमार्ण गरिसक्ने नेपाली सेनाले लक्ष्य राखेको छ।
