संविधान जारी भएको ६ महिना भित्र स्थानीय निर्वाचान गर्ने भन्ने प्रावधान संविधानको प्रारम्भिक मस्यौदाबाट हटाइएको छl एनेकपा माओवादीले संघीयताको सीमांकन नगरिकन स्थानीय निर्वाचन गर्न नहुने अडान लिएपछि उक्त प्रावधान हटाइएको होl
‘नेपाल स्थानीय पदाधिकारी बिहिन भएको छl यसैले हामी स्थानीय निर्वाचन छ महिना भित्र गर्नु पर्छ भन्ने अडानमा थियौं l तर, एमाओवादीले यो प्रावधान राखे प्रारम्भिक मस्यौदामा हस्ताक्षर नगर्ने अडान लिए पछी बाध्य भएर उक्त प्रावधान हटाइयो,’ एमालेका एक उच्च नेताले भने l
दोस्रो संविधानसभाको निर्वाचन गर्नु अघि दलहरुबीच ६ महिना भित्र स्थानीय निर्वाचन गर्ने सहमतिमा भएको थियो l तर स्थानीय निर्वाचनमा हार बेहोरेको एमाओवादी उक्त सहमतिबाट पछि हट्यो l संघीयता लागू नगरी स्थानीय निर्वाचन गरे संघीयताको मुद्दा कमजोर हुने उक्त पार्टीले तर्क गरेको छl
हिजो संविधानसभामा प्रस्तुत हुने भनिएको प्रारम्भीक मस्यौदामा कुरा नमिलेपछि संविधानसभा बैठक स्थगित गरि आज पुन बैठक बोलाईएको छ l नेताहरुका अनुसार आजको बैठकमा सहमतिको मस्यौदा प्रस्तुत गरिनेछl
