राष्ट्रपति डाक्टर रामवरण यादवले माटोको संरक्षण गर्नुपर्ने बताएका छन्। राष्ट्रपति चुरे संरक्षण कार्यक्रम अन्तर्गत धनुषा र महोत्तरीका विभिन्न भाग भएर बग्ने रातु र जलाद नदीमा नवनिर्मित तटबन्धको बुधवार निरीक्षण गर्दै उनले माटो संरक्षण गरे मात्रै चुरे संरक्षण हुने र चुरे संरक्षण गरे नेपाल संरक्षण हुने बताए।
राष्ट्रपति यादवले माटोले नै जीवन दिन्छ। माटोले नै अन्न फलाउँछ। त्यसैले माटो संरक्षण हामीले नै गर्नुपर्छ। यसको लागि सबै मिलेर माटोको संरक्षणमा लाग्नु पर्ने उनको बताए। राष्ट्रपति डाक्टर रामबरण यादवले चुरेको संरक्षण गरेमात्र अन्नको भण्डार तराईको संरक्षण गर्न सकिने बताए।
राष्ट्रपति यादवले माटो सुरक्षा गर्न नदीमा तटबन्ध आवश्यक रहेको बताए। उनले नदी कटान नियन्त्रण तथा स्थानीय पर्यावरण संरक्षणमा सरकारको मात्र नभएर स्थानीय जनताको पनि उत्तिकै सहयोग अपरिहार्य रहेको बताए। उनले नदी कटान नियन्त्रणमा जनसहयोगको अपेक्षा आफूले गरेको बताए। नदी कटान नियन्त्रणका निम्ति राज्यद्वारा सञ्चालित कार्यक्रमलाई प्रभावकारी बनाउन तथा त्यसको सफलताका निम्ति हरदम सहयोग गर्न मेरो आग्रह छ, तटबन्ध निर्माणका कामको प्रशंसा गर्दै राष्ट्रपति यादवले बताए।
महोत्तरी र धनुषा जिल्लाको चुरे क्षेत्रको अवस्थाका बारेमा स्थलगत अवलोकनको क्रममा उनले चुरे क्षेत्र तथा जलाधार क्षेत्रको संरक्षणको प्रयासलाई सबैले सहयोग गर्नुपर्ने र यसप्रकारको कार्यलाई निरन्तरता दिनु आवश्यक रहेको बताए। चुरे क्षेत्रमा संरक्षणको प्रयासहरु भईरहेको उल्लेख गर्दै सबै मिलेर अगाडि बढ्नुपर्ने बताए।
राष्ट्रपति डा. रामवरण यादवले सम्पुर्ण रातुनदी नियन्त्रण उपभोक्ता मार्फत महोत्तरीको बर्दिवास र धनुषाको तुलसीमा निर्माण भईरहेको जनताको तटबन्धको समेत अवलोकन गरेका थिए।
राष्ट्रपति यादवले तटबन्ध निमार्णले भूमी बचाउने र जलाधारको संरक्षण गरी तराईमा पानीको कमीलाई समेत पूर्ति गर्ने हुदाँ कार्यक्रम प्रती कुनै शंका नगर्न समेत आग्रह गरे। अवलोकनको क्रममा चुरे क्षेत्रको विनासलाई नियन्त्रण गर्न सकिएन भने यसको विनासले भावी दिनमा नराम्रो असर पार्ने भन्दै तराई मरभुमीकरण हुने भन्दै राष्ट्रपतिले चिन्ता व्यक्त गरेका थिए।
जनताको तटबन्ध नामाकरण गरिएको सो कार्यक्रमअन्तर्गत सात करोड ४२ लाख रूपैयाँको लागतमा रातु नदी किनारको प्रत्येक एक किलोमिटरको दूरीमा चार स्थानमा तटबन्ध निर्माण गरिएको छ।
कार्यक्रममा स्थानीयले जुटपानी र राजावासको बीचमा पुलको हालिदिन माग गरेका थिए। उनले पानीको स्रोत सुक्दै गएको भन्नुहुदै उनले चुरे संरक्षण गरे हाम्रो उर्बरभुमी जमिन र पानी दुबै संरक्षण गर्न सकिने बताए।
जलाधार क्षेत्र संरक्षण, वृक्षरोपण तथा तटबन्ध निर्माणका विषयमा राष्ट्रपतिलाई चुरे संरक्षण समितिका अध्यक्ष रामेश्वर खनालले तटबन्ध निमार्णमा भईरहेको प्रगती तथा कार्यक्रमको बारेमा अवगत गराएका थिए। टोलीले महोत्तरीको बर्दिवास र धनुषाको तुलसीमा निमार्ण भईरहेको तटबन्ध र स्परहरुको अवलोकन गर्नुका साथै त्यसको अवस्थामा बारेमा जानकारी लिएका थिए। रातुनदीले बर्षेनी गर्दै आएको क्षतिको कारण त्यसक्षेत्रका कयौं स्थानीयबासी महोत्तरीको बर्दिवास र धनुषाको तुलसीमा निमार्ण भईरहेको तटबन्धको मुहारमा खुसी छाएको रातुनदी नियन्त्रण उपभोक्ता तुलसीका अध्यक्ष जनकप्रसाद पौडेलले बताए। अहिलेको अबस्थामा यहाँका स्थानीयले एक छाक खाना ढुक्क खानसक्ने बताए।
रातुखोलामा बाढी आउँदा कतिबेला जाहानबच्चा बोकेर कता जाने, के खाने, उव्जनी भएको अन्नपात कसरी संरक्षण गर्ने लगायतका समस्याले दिनहुँ त्रासमा दिन बिताउन बाध्य यस क्षेत्रका स्थानीयहरू उक्त समस्याबाट राहत पाईनेमा आफूहरू ढुक्क रहेको पौडेलले बताए।
जलाधार क्षेत्र संरक्षण, वृक्षरोपण तथा तटबन्ध निर्माण कार्यले यस क्षेत्रका स्थानीय बासिन्दाहरुलाई बिस्थापीत हुनबाट समेत जोगाउने रातुनदी नियन्त्रण उपभोक्ता बर्दिवासका अध्यक्ष शिबकुमार रानाले जानकारी दिए।
नदीमा तटबन्ध नहुँदा बुर्षातको समयमा बाढीले खेतीयोग्य जमिनमा ठूलो क्षती पुग्ने गरेको बताउँदै उनले तटबन्धको कारण स्थानीयमा राहत पुगेको बताए। सम्पूर्ण रातुनदी नियन्त्रण उपभोक्ता मार्फत महोत्तरीको बर्दिवास र धनुषाको तुलसीमामा ७५ लाखको लागतमा ६ सय ७५ मिटर लामो तबन्ध निमार्ण कार्य अन्तिम चरणमा रहेको छ भने माथिल्लो तहमा सातसय मिटर लामो तटबन्ध निमार्ण सम्पन्न भईसकेको छ।
राष्ट्रपतिका साथ वन तथा भू–संरक्षण मन्त्री महेश आचार्य, पूर्व प्रधानमन्त्री तथा नेकपा (एमाले) का नेता माधवकुमार नेपाल, प्रधानसेनापति गौरवशम्शेर जबरा, राष्ट्रपति कार्यालयका सचिव अनुपकुमार उपाध्याय, रक्षा मन्त्रालयका सचिव ईश्वरीप्रसाद पौडेल, राष्ट्रपति चुरे–तराई मधेस संरक्षण समितिका संयोजक रामेश्वरप्रसाद खनाल र जल उत्पन्न प्रकोप नियन्त्रण विभागका सिनियर डिभिजनल इन्जिनियर राजकुमार श्रीवास्तव सहभागी थिए
