बिहीबार बसेको मन्त्रिपरिषदको बैठकले राष्ट्रिय अनुसन्धान विभागको प्रमुखमा दिलीप रेग्मीलाई नियुक्त गरेको छ।
यसअघिका प्रमुख जितबहादुर केसीको कार्यकाल सकिएपछि गृहमन्त्रालयको सिफारीसमा रेग्मीलाई नियुक्त गरिएको हो।
मन्त्रिपरिषद्को बैठकले नेपाल नागरिक उड्ययन प्राधिकरणको महानिर्देशकमा संजिव गौतम र नेपाल वायुसेवा निगमको महाप्रबन्धकमा सुगतरत्न कंसाकारलाई नियुक्त गर्ने निर्णय गरेको छ।
महाभूकम्पमा क्षतिग्रस्त भौतिक संरचनाको पुनर्निमाणका लागि सहयोग जुटाउन सरकारले दाताहरुको सम्मेलन असार–१० मा काठमाडौंमा गर्ने भएको छ।
संसदमा विचाराधीन रहेको विपत्त व्यवस्थापन सम्बन्धी विधेयकलाई फिर्ता लिएर थप संशोधन सहित अध्यायदेश ल्याउने मन्त्रिपरिषद्ले निर्णय गरेको छ ।
यसैगरी आजैको मन्त्रिपरिषद बैठकले अनुसन्धान विभागकै रिक्त एआईजी पदमा गणेशराज अधिकारीलाई बढुवा गर्ने निर्णय पनि गरेको हो।