उच्च माध्यमिक शिक्षा परिषदले तोकेको कक्षा ११ र १२ को परीक्षाको मिति सार्न विद्यार्थीहरूले माग गरेका छन्।
शुक्रबार राजधानीमा आयोजित पत्रकार सम्मेलनमा बोल्दै बिद्यार्थीहरूले आफूहरू मानसिक ,शारीरिक र सामाजिक रूपमा परीक्षा दिन असमर्थ भएकाले मिति सार्न माग गरेका हौ।
उनीहरूले आफ्नो माग प्रति विद्यार्थी संगठनले सहयोग नगरेको गुनासो गरे। ‘राजधानी बाहिर घर भएका तथा आर्थिक अवस्था कमजोर भएका पीडित विद्यार्थीले परीक्षा दिन पाउने कि नपाउने,? उनीहरूको प्रश्न थियो।
राजधानीसहितका कलेजमा बसेर ढुक्कसँग परीक्षा दिन सम्भव नभएको भन्दै तत्काल सबै कलेजहरूको निरीक्षण गर्न सरकारसमक्ष माग गरेका छन्। आफ्नो माग पूरा चरणबद्ध आन्दोलन गर्ने उनीहरूले चेतावनी दिएका छन्।
टुँडिखेलबाट सुरु भएको र्याली त्रिपुरेश्वर हुँदै माइतिघर आएर सभामा परिणत भएको थियो। ४०० भन्दा बढी बिद्यार्थीको सहभागिता थियो।
माग पूरा नभए चरणबद्ध आन्दोलनमा जाने उनीहरूले घोषणा गरेका छन्। शिक्षा मन्त्रीलाई ज्ञापन पत्र बुझाउने तथा उच्च माध्यमिक शिक्षा परिषदमा धर्ना दिने उनीहरूले बताएका छछन्।
यसैबीच उच्च माध्यमिक शिक्षा परिषदले परीक्षा तोकिएकै समयमा सम्पन्न हुने जनाएको छ।
महाभूकम्पका कारण एक महिनापछि परीक्षा सारिएको र विद्यार्थीले अझै सार्न माग गरेपछि परिषद्ले उक्त कुरा स्पष्ट पारेको हो।
तालिकाअनुसार परीक्षा सञ्चालन नभए नतिजा समयमा आउन नसक्ने र एक वर्ष ढिलाइ हुने परिषद्ले जनाएको छ।
तालिकाअनुसार कक्षा १२ को परीक्षा यही जेठ २० गतेबाट ३१ गते सम्म र कक्षा ११ को परीक्षा असार १ गतेबाट १२ गतेसम्म तोकिएको छ।
