भारतीय प्रधानमन्त्री नरेन्द्र मोदी सामाजिक सञ्जालमा अपडेट भइरहन्छन्। आफ्नै नाम र भारतीय प्रधानमन्त्री कार्यालयको फेसबुक र ट्वीटर एकाउन्टबाट उनी नागरिकसँग जोडिरहेका हुन्छन्। दैनिक घटनाक्रम पनि सामाजिक सञ्जालमा अपलोड गरिरहेका हुन्छन्।
हाल मोदी चीन, मंगोलिया र दक्षिण कोरियाको भ्रमणमा निस्केका छन्। सोही भ्रमणका क्रममा उनले ‘पहिले विदेशमा बस्ने भारतीय नागरिक भारतमा जन्मेकोमा लज्जित महशुस गर्थे आफू प्रधानमन्त्री भएपछि गतवर्षदेखि भारतीय भएकोमा गौरव गर्छन् र परिवर्तनको आशामा छन्’,भनेका थिए।
उनको त्यही भनाईलाई लक्षित गर्दै ट्वीटरमा ‘मोदी इन्सल्टस् इण्डिया’ भन्ने ह्यासट्याग चर्चित बनेको छ। कैंयौ प्रयोगकर्ताले मोदी प्रधानमन्त्री हुनुभन्दा पनि आफूहरु भारतीय भएको गौरव गर्ने गरेको बताएका छन्।