राष्ट्रपति डा. रामबरण यादव भुकम्प पीडितका लागि सरकारको काम कारबाही बारे बुझ्नका लागि मंगलबार दिउँसो सिंहदरबार पुगेका छन्। भुकम्प पछिको उद्धार र राहातका लागि सरकारले गरिरहेको प्रयासका बारेमा बुझ्नका लागि राष्ट्रपति यादव सिंहदरबार पुगेका हुन। राष्ट्रपति सम्भवतः पहिलो पटक सिंहदरबार छिरेका हुन्।
रातो प्लेटको सवारीमा चढेर सिंहदरबार पुगेका राष्ट्रपतिलाई मन्त्रीहरुले सरकारी काम कारबाहीका बारेमा जानकारी दिएका थिए। ‘राष्ट्रपतिले भुकम्प पछिको अवस्थामा सरकारले उद्धार र राहातका लागि के कस्तो काम कारवाही भएको छ भनेर जिज्ञासा राख्नु भएको थियो,' अर्थमन्त्री रामशरण महत्तले सञ्चारकर्मीसँग भने, ‘उद्धार र राहतका कार्यक्रमलाई अझ बढी प्रभावकारी बनाउन र समन्वय गर्नका लागि उहाँले सुभाव पनि दिनु भयो।'
राष्ट्रपति यादवलाई अर्थमन्त्री महत्तसहित गृह मन्त्री बामदेव गौतम, बन मन्त्री महेश आचार्य, कानुन मन्त्री नरहरी आचार्यलगायतले सरकारले गरेको काम कारबाहीका बारेमा जानकारी गराएका थिए