एमाओवादी नेतृत्वको ३० दलीय मोर्चाले संविधान निर्माणका विषयमा साझा रणनीति बनाउन एमाओवादी नेता कृष्णबहादुर महराके नेतृत्वमा नयाँ कार्यदल गठन गरेको छ।
आज बसेको ३० दलीय मोर्चाको बैठक उक्त कार्यदलको गठन गरेको हो। कार्यदलमा मोर्चा घटकका प्रतिनिधिहरु सदस्यका रुपमा सहभागी हुनेछन्।
बैठकमा सहभागी नेताहरुका अनुसार एमाओवादीले कांग्रेस-एमाले संग छुटै वार्ता गरी मोर्चालाई ढोका दिएको आरोप लागेपछि मोर्चाको तर्फबाट संयुक्त रूपमा वार्ता गर्न वार्ता टोली पनि गठन हुने भएको छ।
उक्त बैठकमा मोर्चा घटकका नेताहरुले प्रचण्डलाई कांग्रेस-एमालेसँग छुटै सम्झौता गर्ने र मोर्चालाई धोका दिने नीति लिएको आरोप लगाएपछि उक्त कार्यदल गठन गर्न प्रचण्ड राजी भएका हुन्।
बैठका बोल्दै मधेसी जनाधिकार फोरमका नेता उपेन्द्र यादवले माओवादी नसच्चिने हो भने मोर्चा एकताको औचित्य समाप्त भएको विचार राखेका थिए।
‘अब कार्यदलले मोर्चाका तर्फबाट वार्ता टोली गठन गर्ने छ। अब मोर्चाको कार्यविधि र अचार संहिता पनि तयार हुने छ,’ मोर्चा बैठकमा भाग लिएका नेता प्रेम बहादुर सिंहले भने।
‘यादवले पनि मोर्चाले आफूलाई सच्च्याएर अघि बढ्नु पर्छ भन्ने धारणा राख्नु भएको हो,’ सिंहले भने –‘मोर्चा टुक्रियोस बारे उहाँको पनि धारणा होइन।’
मोर्चाले चैतको अन्तिम हप्ता घोषणा गरेको बन्द पहिलो दिनमा नै फिर्ता लिएपछि मोर्चा भित्र विवाद चुलिएको छ। माओवादीले एकतर्फी रुममा कांग्रेस-एमालेसँग सम्झौता गरि मोर्चालाई धोका दिने रणनीति लिएको मोर्चा नेता उपेन्द्र यदाव, राजेन्द्र महतो र अशोक राईले लगाएका छन्।
मोर्चाको अर्को बैठक १४ गते बस्नेछ।