एकीकृत नेकपा (माओवादी)का पोलिटब्युरो सदस्य राम कार्कीले सत्तापक्षलाई तर्साउन मात्रै आन्दोलनको धम्की दिएको स्वीकार गरेका छन्।
धनकुटामा आज सञ्चारकर्मीहरुसँगको कुराकानीमा उनले 'एमाओवादीले पनि सत्तापक्षलाई तर्साउन मात्र आन्दोलनको धम्की दिएको' स्वीकार गरे।
सत्ता पक्षले पनि बहुमतीय प्रक्रियाको धम्की मात्र देखाएको भन्दै नेता कार्कीले अब चाँडै दुवै पक्ष लचिलो भएर सहमतिमा आई संविधान निर्माण हुने बताए। दलहरुबीच संविधानका धेरै अन्तरवस्तुमा सहमति जुटिसकेको उनको भनाइ थियो।
नेता कार्कीले जतिसक्दो चाँडो संविधान निर्माणका लागि जन दबाबको खाँचो औँल्याए। रासस