एकीकृत नेकपा माओवादीले पार्टीाका अध्यक्ष प्रचण्डको हत्या गर्न लागेको आरोप लगाउने पार्टीका केन्द्रीय सदस्य एवंम् सभासद्लाई कारबाही थालेको बताएको छ।
सो पार्टीले बुधवार एक विज्ञप्ति जारी गर्दै केन्द्रीय सदस्य एवं सभासद सुरेन्द्र प्रसाद जयसवाल ‘अशोक' लगायतले पत्रकारबीच पार्टीका पोलिटव्यूरो सदस्य एवं सभासद प्रभु साहले पार्टी अध्यक्ष प्रचण्डलाई हत्या गर्न गिरोह परिचालन गरेको भनेर मिडियामा आएको खबरप्रति गम्भीर ध्यानाकर्षण भएको‘ जनाएको छ।
विज्ञप्तिमा भनिएको छ–पार्टी केन्द्र यस प्रकारको निराधार र भ्रामक प्रचारवाजीलाई पूर्ण रुपमा अस्वीकार गर्दछ। साथै पार्टीद्वारा यस्तो गम्भीर, संगीन र निराधार आरोप एवं विन्देश्वर यादवको कथित कारवाही प्रकरण समेतको आवश्यक छानविन गरी पार्टी पद्धति अनुसार समुचित कारवाहीको प्रक्रिया अगाडि बढाइनेछ
