एउटै कार्यालयमा हरेक हिसाबले सिनियर कर्मचारी हुँदाहुँदै रोल्पाका स्थानीय विकास अधिकारी दीर्घबहादुर पोख्रेलले ईन्जिनियर रामशरण आर्चायलाई आर्थिक अधिकार सहितको निमित्त दिएर हिडेपछि उनी विवादमा तानिएका छन्।
जिल्ला विकास समितिका लेखा अधिकृत खिमबहादुर के.सि सिनियर हुँदाहँदै एलडिओले जिल्ला प्राविधिक कार्यालयका ईन्जिनियरलाई आर्थिक अधिकार सहितको निमित्त दिएर हिडेपछि मात्रै विवाद आएको भने होईन।
जिल्लास्थित राजनीतिक दलका सर्वदलीय समीतिका पदाधिकारिले जुगारबाट घर्तिगाउँ जोड्न प्रयोग हुने सड्क निमार्णमा कताबाट लग्ने भनेर आएको विवाद समाधान नहुँदै ईन्जीनियरले आफूले अधिकार पाएको केहि घण्टा मै योजनाको सम्झौता गरेका छन्।
निर्वाचन क्षेत्र पूर्वाधार विशेष कार्यक्रम क्षेत्र नं. २ को वजेटमा जिल्लास्थित राजनीतिक दलहरुले विवाद समाधान गरेर मात्र प्रकृया बढाउन पटक पटक अनुरोध गर्दा पनि जिल्ला विकास समितिले नटेरेरै सम्झौता गरेकोमा उनीहरु आक्रोशित समेत बनेका हुन्।
त्यसो त सम्झौता भएको मिति, निमीत्त दिईएको मिति चैत ५ गते स्थानीय विकास अधिकारी रोल्पा मै भएको बुझीएको छ। आर्थिक अधिकार सहितको निमित्त दिईएको दिन स्थानीय विकास अधिकारी, प्रमुख जिल्ला अधिकारी नेतृत्व टोलीसँगै एउटा सडक अवलोकन स्वयम् पुगेका थिए।
‘सबैको भावना अनुसार विवाद समाधान खोज्नु पर्ने हो। तर त्यसो नगरि योजना बुनेर सम्झौता गरिएको छ,’ नेपाली कांग्रेस रोल्पा सभापति कृष्णबहादुर घर्ति भन्छन्, ‘निमित्त जुनियरलाई दिनु सम्झौता कुनै हालतमा गर्ने प्रपञ्च हो भने जिविस भित्रको भाड भैलोको अर्को रुप पनि हो।’
‘दुबै तिरका जनताले निवेदन दिएका थिए। स्थानीय स्तरमा छलफल भएर सम्झौता भएको भए राम्रो हुने थियो। यसले त विवाद निम्त्याउने भयो,’ ने.क.पा ऐमाले रोल्पा अध्यक्ष हरिप्रसाद घर्तिले भने।
जिविस आफूले पहिलेदेखि खनीरहेको बाटो खन्नु पर्दथ्यो तर, त्यसो भएन। निमित्त सिनियरलाई छलेर जुनियरलाई दिनु पनि सम्झौता गर्नलाई हो,’ अध्यक्ष घर्तिले थपे।
‘विवाद छ। दुबै तिरको बाटो माथी माथि पुगेको छ। सबै सरकारी बजेट बाटै खनिएको बाटो हुन। बजेटलाई आधा आधा गरेको भए सामाजिक न्याय हुन्थ्यो। बाँकि नपुग बजेट खोजीन्थ्यो नि,’ ऐनेकपा माओवादी रोल्पा अध्यक्ष सुरेन्द्र थापाले भने।
‘जनता दुबै तिरका हाम्रा हुन्। तर न्याय भएन। अहिले सम्झौता गरिएको अनुसार खनियो भने ईलिगल हुन्छ,’ अध्यक्ष घर्तिले थपे।
५ गते निमित्त दिनु, ५ गते सम्झौता गर्नु र ५ गते एलडिओ रोल्पा मै हुनु यो पनि चलखेलको रूप भएको घर्तीले आरोप लगाए।
जिल्ला परिषदले निर्णय गरे अनुसार हुनु पर्छ । सम्वोधन दुबै तिर हुनु पर्छ । तर संझौताको प्रकृया नै नमिलेको नेकपा माओवादीका सह सेकेटरी फविन्द्र आर्चायले भने।
‘छलफल पछि मात्र सम्झौता गर्ने भनेका थए । दलहरुले तत्काल छलफल गरेनन्’, इन्जीनियर रामशरण आचार्यले भने, ‘नेताहरुले विवादका लागि विवाद मात्र गरेका हुन्। कि त तुरुन्तै निर्णय लिनु पर्दथ्यो। कागजात पूरा भएर आएपछि सम्झौता त गर्नु पर्यो नि।’
प्राविधिक कारणले आफूलाई निमित्त दिएको दाबी गर्दै उनले सिनियरले नै पाउनु पर्ने बताए।
जुगार, नेर्पा, दहखोला, झिनुवा भनेर भनेर पास गरेको बाटो विचबाटो दहखोला बाटै दुई तिर खन्न सुरु भएको थियो । सडक कार्यालय, जिविस र गाविसले एकातिर बाट सडक अगाडी बढाए भने पर्यटन वोर्डको वजेटले अर्को तिरबाट ।
यो विवाद लम्विँदै जादा पहिला जंगल तर्फ वन फडानी गरि सडक खनीसकेको पक्षले अर्को पक्षलाई रोक्न वन फडानी हुने भन्दै जिल्ला वन कार्यालयमा उजुरी हालेको छ ।
जिल्ला विकास समिति रोल्पाले स्थाानीय जिल्ला स्तरका नेतृत्वसँग सहकार्य नै नगरी जथाभावी सम्झौता गर्न थालेपछि गाउँ–गाउँमा अलग प्रकारको द्धन्द्ध निम्त्याउने त्रास पनि बढन थालेको छ।