तराई मधेस लोकतान्त्रिक पार्टीका बरिष्ठ उपाध्यक्ष हृदयश त्रिपाठीले तीस दलको सभामा भाग लिन आएका जनताहरू भारतको युपी र बिहारबाट नआएको बताए।
कार्यक्रमलाई सम्बोधन गर्दै त्रिपाठीले भने,‘ केपी ओलीले यो कार्यक्रम हेरिरहेका होलान्। यो कार्यक्रममा आएका मधेसी यूपी र विहारबाट आएका होइनन। मधेसबाट आएका हुन।’
उनले केपी र सुशील कोइरालालाई ६२ सालको आन्दोलनको विरोधी भएको आरोप लगाए।
‘कांग्रेस र एमालेमा परिवर्तन नचाहने व्यक्ति अहिलेको परिवर्तनको आवश्यकता होइन। यो एमाओवादी, मधेसी दलित मुस्लिमको हो। अहिले दुईतिहाई मतले कांग्रेस र एमाले मोटाएका होइन। सुनिएको हो।’
संविधानसभालाई व्यारेकमा परिवर्तन गर्दै परिवर्तनका ऐजेण्डालाई खतम गर्न र पछि फर्कन खोजेपछि आन्दोलन हाम्रो बाध्यता भइसकेको उनले औल्याए।
कांग्रेस र एमाले अहिले वार्ताका लागि कुरा गर्न थालिसेको भन्दै उनले आफूहरू सहमतिको विरोधी नभएको बताए।
‘सहमतिको हामी विराधी होइनौ। कांग्रेस र एमालेले मति सुधारेर विगतमा भएका सहमतिका सबै कुरा पालना गर्छौ भनी नआएसम्म वार्ता र सहमतिको अर्थ छैन। आन्दोलन निर्विकल्प छ। अहिले बाटो हामी आफैले तय गर्नुपर्छ।’
