एकीकृत माओवादी नेतृत्वको तीस दलीय मोर्चाको वृहत जनसभाका क्रममा कार्यक्रम सञ्चालक पासाङ शेर्पाले पटक पटक नयाँ बानेश्वरमा भएको घटनामा घाइते भएका कार्यकर्ताको संख्यामा गल्ती गरेको भन्दै हिमाल शर्माले सच्याएका छन्।
उनले मौन धारण गर्नु अघि स्वागत मन्तव्यका लागि एक नेतालाई बोलाउन खोज्दा शर्माले रोक्दै शहिदहरुको सम्झनामा मौन धारण गर्न एक मिनेट सबैलाई उठ्न भन्न लगाएका थिए।
एक मिनेटको मौन धारण आधा मिनेट नपुग्दै शेर्पाले सकिएको भन्दै स्वागत मन्तव्यका लागि समाजवादी पार्टी नेपालका अध्यक्ष प्रेमबहादुर सिंहलाई समय थिएका छन्।
सभालाई सम्बोधन गर्दै सिंहले अहिले अग्रमन र यथास्थितीबादीबीचको संर्घष भएको बताए।
‘१२ बुँदे सहमतिदेखि अहिलेसम्म आइपुग्दा प्राप्त उपलब्धीलाई अहिलेको सत्तारुढ दलले बहुमतको आडमा फेरि पूरानै राज्य व्यवस्थामा विशेष बर्ग र समूदायको हाली मुहाली गर्ने केाशीश हुदै छ,’सिंहले भने।
उनले ३० दलीय मोर्चाले जनताको अधिकार सहितको संविधान बनाउन शान्ति प्रक्रियालाई निश्कर्षमा पुर्याउन सत्तापक्षको अतिबादलाई खबरदारी गर्न आन्दोलन घोषणा गरेको बताए।