मन्त्रीपरिषदको बिहिबार बसेको वैठकले तेक्वान्दो खेलाडी संगिता वैद्यलाई १५ लाख रुपैयाँ दिने निर्णय गरेको छ। छनोट चरण पार गरी ओलम्पिक खेलमा सहभागी हुने पहिलो खेलाडी भएकालाई वैद्यलाई सम्मान गर्न रकम दिन लागिएको हो।
खेलबाट ४ वर्षअघि सन्यास लिएकी वैद्य अहिले तेक्वान्दो प्रशिक्षक बनेकी छन्।
त्यस्तै आजको मन्त्रीपरिषद् वैठकले नेपाल कृषि अनुसन्धान परिषद (नार्क)को कार्यकारी निर्देशकमा यमराज पाण्डेलाई नियुक्त गर्ने निर्णय गरेको छ। यस्तै बिहीबारको बैठकले उखुको मूल्य निर्धारण गर्ने जिम्मा उद्योग मन्त्रालयलाई दिने निर्णय समेत गरेको छ।
बैठकले दुईजना उपरथी, सहायक रथी र महासेनानी बढुवा गर्ने निर्णय पनि गरेको सन्चारमन्त्री एवं सरकारका प्रवक्ता डा. मीनेन्द्र रिजालले जानकारी दिए ।
