ग्वाटेमालाका पूर्व राष्ट्रपति अल्फोन्सो पोर्टिलो अमेरिकी जेलबाट छुटेका छन्। उनलाई सम्पत्ति शुद्धिकरणको मुद्दामा अमेरिकामा हस्तान्तरण गरिएको थियो।
राष्ट्रसंघमा ताइवानलाई छुट्टै राज्यको मान्यता दिन सघाउने भनेर उनले २५ लाख डलर घुस खाएको अभियोग लागेको थियो। सोही रकम शुद्धिकरण गरेको आरोपमा उनी दोषी देखिएपछि उनलाई कोलोराडो संघीय जेलमा राखिएको थियो।
६३ वर्षका पोर्टिलो अमेरिकी जेलमा पर्ने ल्याटिन अमेरिकी देशको पहिलो पूर्व राष्ट्रपति हुन। सन् २००० देखि २००४ सम्म ग्वाटेमालाका राष्ट्रपति बनेका पोर्टिलोको पक्षमा अहिलेपनि व्यापक जनसमर्थन बिबिसीले जनाएको छ।