अमेरिकी राष्ट्रपति बाराक ओबामाले भारतसँग सम्बन्ध नवीकरण गर्ने लक्ष्यले गरेको भ्रमण सम्पन्न भएपछि भारतका विदेशमन्त्री यसै साताको अन्त्यमा चीनको भ्रमणमा जाने भएकी छन्।
विदेशमन्त्री सुष्मा स्वराजले चीन भ्रमणकालमा उनका चिनियाँ तथा रसियाली समकक्षीसँग त्रिपक्षीय वार्ता गर्ने जानकारी भारतीय विदेश मन्त्रालयले दिएको छ । यो उनी गत वर्ष विदेशमन्त्री पदमा पुगेपछिको पहिलो चीन भ्रमण भएको उक्त मन्त्रालयले जानकारी दिएको छ ।
अमेरिकी राष्ट्रपति ओबामाले दुई मुलुकबीच सम्बन्ध बलियो बनाउन नयाँ दिल्लीको उच्चस्तरीय भ्रमण गरेपछि उक्त वार्ता हुनथालेको हो । अमेरिकी राष्ट्रपति ओबामाको भ्रमण चीनको क्षेत्रीय प्रभाव कम गर्ने अभिरुचिबाट अभिप्रेरित भएको बताइएको छ ।
चिनियाँ विदेशमन्त्रालयका प्रवक्ता हुवा चुनिङले यो भ्रमण राजनीतिक विश्वास विस्तार गर्न लक्षित रहेको बताए। उनले चीन तथा भारत दुबै ठूलो विकासशील मुलुक भएको र उनीहरू उदाउँदा अर्थतन्त्र पनि भएको बताए।
उनले दुबै मुलुकले राजनीतिक विश्वास तथा विभिन्न क्षेत्रमा व्यवहारिक सहयोग विस्तार गर्न खोजेको बताए।
अमेरिकी राष्ट्रपति ओबामाको तीन दिने भ्रमणका समयमा चीनको नाम नलिइए पनि राष्ट्रपति ओबामाले भारतको एसिया प्रशान्त क्षेत्रमा ठूलो भूमिकाका लागि स्वागत गरेका थिए। उनले यस क्षेत्रमा स्वतन्त्र आवागमन कायम गर्नुपर्ने बताएका थिए।
दक्षिणी चीन जल क्षेत्रको ठूलो भागमा बेइजिङले आफ्नो सार्वभौमसत्ता दाबी गरेको छ भने यो जलक्षेत्र विश्वव्यापी व्यापारका लागि निकै महत्वपूर्ण छ ।
भारतीय नयाँ प्रधानमन्त्री नरेन्द्र मोदीले यसअघिको सरकारले भन्दा पनि चीनप्रति बढी स्वीकारात्मक नीति लिएका थिए।
हाल प्रधानमन्त्री भारतीय अर्थतन्त्रलाई अगाडि बढाउन चाहन्छन् र त्यसका लागि चीनको लगानी निकै आवश्यक पर्छ । यसैले उनी चीनलाई पन्छाउन चाहन्छन्।
अमेरिकी राष्ट्रपति ओबामाको भ्रमणकालमा उनी तथा भारतीय प्रधानमन्त्री मोदीले आफूहरूबीच व्यक्तिगत रूपमा राम्रो सम्बन्ध भएको देखाए।
चीनको सरकारी समाचार संस्था सिन्ह्वाले दुई मुलुकबीच मौसम परिवर्तनका विषयमा निरन्तर रूपमा भिन्नता भएको बताउँदै यो सतही मित्रता भएको आरोप लगाएको छ ।
