एकीकृत नेकपा माओवादीका नेता डा.बाबुराम भट्टराईले संविधानसभालाई ‘नयाँ महाभारत’को संज्ञा दिंँदै सभाध्यक्ष सुवास नेम्वाङलाई ‘सिखण्डी’भनेका छन्।
संविधानसभामा सभाध्यक्ष नेम्वाङले आफै प्रश्नावली समितिको प्रस्ताव राखेर प्रक्रिया अघि बढाएपछि आफ्नो फेसबुक पेजमा बाबुरामले प्रतिक्रिया लेखेका छन् ‘नयाँ महाभारतमा माओवादी–मधेशवादी जनजातिलाई ढाल्न केही ठूला मिडिया/सामाजिक सञ्जालमार्फत अनर्गल प्रचार गरिएको छ’ उनले अगाडि लेखेका छन् ‘सिखण्डीको ठाउँमा सभामुखलाई प्रयोग गरिएको छ।’
पुरानो महाभारतको किस्सा पनि उले जोडेका छन् ‘पुरानो महाभारतमा द्रोणाचार्यदलाई ढाल्न ‘अशोत्थामा हतोहत’को झुटो हल्ला पिटिएको थियो, भिष्मलाई ढाल्न सिखण्डीको प्रयोग गरिएको थियो।’
त्यस्तै उनले ‘शान्ति सम्झौताको आधा हिस्सा रहेको एमाओवादी र विभिन्न सम्झौताका हस्ताक्षरकारी मधेसवादी÷जनजाति शक्तिहरुको पूरै विरोधका बीचमा सभाध्यक्षले एकपक्षीय निर्णय गर्दा कसरी लोकतान्त्रिक संसदीय अभ्यास मानिदो रहेछ?’ भनी प्रश्न गरेका छन्।
यसबारेमा सबैलाई ‘एकपटक निधार खुम्च्याएर सोच्ने हो कि?’ भनेर आह्वान पनि गरेका छन्।
