विपक्षीहरुको नाराबाजीका बिच संविधानसभा अध्यक्ष सुवास नेम्वाङले संविधानका विवादित विषयमा प्रश्नावली बनाउन ‘प्रस्ताव निर्माण समिति’ गठन गरेसँगै एमाओवादी अध्यक्ष पुस्पकमल दाहालले आपत्ती जनाउँदै संविधान सभालाई कब्जामा लिएर समिति बनाएको आरोप लगाएका छन्।
आइतबारको बैठक पछि बाहिरिदै दाहालले भने,'संविधान सभाको मर्म शान्ति सम्झौताको मर्ममाथि प्रहार भएको छ। यसले विगतका सम्झौतामाथि नै प्रहार भएको छ। देशलाई द्वन्द्वमा पुर्याउने प्रक्रियाको सुरुवात भएको छ,' उनले अगाडि भने,' संविधानसभामा सयौँको संख्यामा मर्यादापालक राखेर संभालाई ब्यारेकमा परिणत गरि देशलाई द्वन्द्वमा लैजाने काम भयो।'
यसैबीच ३० दलीय मोर्चाको तर्फबाट बोल्दै दाहालले आफूहरू यसको विरूद्ध जनताको बिचमा गएर प्रतिवाद गर्ने बताए। अघिल्लो पटकको संविधान सभामा आफ्नो दुई तिहाइ मत पुग्ने भएपनि एउटा बैठक राख्नुस् भन्दा सभामुखले राख्न नमानेको बताए। उनले आजको कुराले अध्यक्षले कलंकको टीका लगाएको बताए। उनले यो प्रतिकान्तिकारी हर्कत भएको दाबी गरे। अध्यक्ष पार्टीको प्रवक्ताका रुपमा प्रस्तुत भएको आरोप प्रचण्डले लगाए।
'अब परिणाम राम्रो हुनेछैन,' उनले भने, 'यसको जिम्मेवार कांग्रेस, एमाले र सभाध्यक्षले लिनुपर्छ ।' दाहालले सभाध्यक्षको गरिमा समाप्त भएको भन्दै उनले नेम्वाङ पार्टी प्रवक्ताकोरुपमा प्रस्तुत भएको आरोप लगाए । उनले नेम्वाङले कलंकको टिका लगाएको दाहालले उल्लेख गरे । सभाध्यक्षले सहमतिका लागि दिएको पाँच दिनको समयको कुनै अर्थ नभएको बताए । 'पाँच दिनको समयको कुनै अर्थ छैन,' उनले भने, 'हामी जनताको बीचमा जान्छौं ।'
नयाँ राजनीतिक घटनाक्रमबारे निर्णय लिन विपक्षी १९ दलीय मोर्चाको बैठक सिंहदरवारमा केहीबेरपछि सुरु हुँदैछ ।
