संविधानसभाको बैठकमा आफ्नो रणनीतिका कस्तो हुने भन्नेबारे छलफल गर्न भन्दै कांग्रेस एमाले लगायतका शीर्ष नेताहरु अन्तरिक परामर्शमा जुटेका छन्।
एमाओवादी र मधेसवादीदलको मोर्चाको चर्को विरोध चर्को विरोधका कारण अबरुद्ध रहेको संविधानसभा बैठकमा उनीहरुले आफ्नो पक्षको रणनीति तय गर्ने छन्।
संविधानका विवादित विषयमा दलहरुबीच सहमति हुन नसकेपछि सभाध्यक्ष सुवासचन्द्र नेम्वाङले नियमावलीको नियम ९१ अनुसार प्रश्नावली गठनको प्रस्ताव राख्न कांग्रेसका मुख्य सचेतक चीनकाजी श्रेष्ठलाई समय दिने घोषणा गरेका थिए। त्यस लगत्तै एमाओवादी मोर्चाले संविधानसभा अवरुद्ध गर्दै आएको छ।
उनीहरु संविधासभा बैठक अवरुद्ध गर्ने कार्य नरोकेपछि शुक्रबारको बैठकमा सभाध्यक्षले कार्यसुचि आइतबार मात्रै निष्कर्षमा पुराउने घोषणा गरेका थिए। सोहि घोषणा अनुसार समिति गठनको प्रस्ताव सभाध्यक्ष आफैले पढ्ने कार्यसूचि सचिवालयले सार्वजनिक गरेपछि एमाओवादी मोर्चाबाट हुन सक्ने प्रतिवादलाई कसरी लिने भन्ने विषयमा कांग्रेस र एमाले लगायतका नेताहरुले छलफल राखेका हुन।
यसैबीच, सभाध्यक्ष नेम्वाङले आजको कार्यसूचिमा कुनै फेरबदल नगर्ने अडानमा रहने संकेत दिएपछि एमाओवादीले आफ्ना सभासदहरुसँग परामर्श थालेको जानकारी प्राप्त भएको छ।
सभाध्यक्षले प्रक्रियालाई अघि बढाए आफूहरुले सकेसम्म रोक्न लाग्ने र भएन भने आजको बैठक आफूहरुका निम्ति निर्णायक र अन्तिम पनि हुन सक्ने एमाओवादीका सभासद अमनलाल मोदीले बताएका छन्।