संविधानसभा अध्यक्ष सुवास चन्द्रनेम्वाङले दलहरु बीच सहमति नभए संविधान र कानून अनुसार आफूले निर्णय गर्ने रुलिङ गरेका छन्।
संविधानसभा बैठकमा सोमबार, एमाले सभासद् सुरेन्द्र पाण्डेले माघ ८ भित्रै संविधान ल्याउन अध्यक्ष पनि गतिशील हुनुपर्ने भनेपछि उनले यस्तो रुलिङ गरेका हुन्।
‘जनतालाई दिएको वचन एउटा काम अर्कै हुँदा छलफल निश्कर्ष विहिन भएको छ। संविधानसभामा पक्ष प्रतिपक्ष हुदैन। सभाको अध्यक्ष पनि गतिशिल हुनु पर्छ।’ सभासद् पाण्डेले भने।
पाण्डे भन्दा अघि बोलेका सभासद्हरुले समेत संविधानसभामा नै विवादीत विषयमा छलफल हुनुपर्ने र सभाध्यक्षले नेताहरुको मुख हेर्न नहुने कुरा राखेका थिए।
पाण्डेले पनि त्यही कुरा राखेपछि सभाध्यक्ष नेम्वाङ्ले दलका नेताहरुको अनुरोधमा सभासद्हरुलाई बोल्न दिएको भन्दै यस्तो विषयमा प्रवेश नगर्न आदेश दिए।
‘तपाईँहरु यो विषयमा नबोल्नुस, दलका नेताहरुले संविधानसभामा छलफलका लागि सभासद्हरुको नाम दिएकाले बोल्ने समय दिएको हुँ।’
यति भनेपछि उनले सहमति नभए आफुले नियम कानुन अनुसार निर्णय गर्ने बताएका हुन्। ‘यदि छलफल रहीरहदा पनि सहमति भएन भने मैले नियमावली, कानुन र संविधान अनुसार के गर्नु पर्छ त्यो गर्छु,’ सभाध्यक्ष नेम्वाङ्ले भने।
राजनीतिक दलहरुले माघ ८ भित्र संविधान जारि गर्ने प्रतिवद्धता जनाएपनि संविधानसभाको अवधि भने ४ वर्ष तोकिएको छ।
