एमाओवादी अध्यक्ष प्रचण्ड नेतृत्वको संघीय लोकतान्त्रिक गठवन्धनले सभामुख सुबास चन्द्र नेम्बाङलाई भेटेर कांग्रेस एमालेले बलमिच्याइँ तरिकाले अगाडि बढे त्यसको शसक्त प्रतिकार गर्ने बताएको छ।
यसअघि गठबन्धनको बैठकबाट सडक आन्दोलन चर्काउने दाबी गरेको मोर्चाले शान्तिपूर्ण सडक बिद्रोहको विकल्प नभएको भन्दै कांग्रेस र एमालेले बहुमतले पेलेर गए त्यसको प्रतिकार गर्ने बताएका हुन्।
सहमति बिना माघ ८ मा संविधान नआउने ठोकुवा गर्दै अध्यक्ष दाहालले सहमतिकै आधारमा संविधान जारी हुनुपर्ने बताए।
'संविधान भने संविधानसभा जस्तो होइन जसलाई दुई तिहाई मतले बन्न सक्ने यो त सहमतिको आधारमा बन्नु पर्छ,' दाहालले सभामुखलाई भेटेर बाहिर पत्रकारमाझ भने,' सहमतिको विकल्प हुन्न।'
