पाकिस्तानी सेनाले चारदिन अघि विद्यालयमा आक्रमण गर्ने लडाकु सैनिक कारबाहीमा मारिएको जनाएको छ। पाकिस्तानी सञ्चारमाध्यमले जनाए अनुसार पेशावरको मतानी क्षेत्रमा शनिबार सेनासँग भएको भिडन्तमा विद्यालय आक्रमणका नाइके सहित ५ लडाकु मारिएका छन्।
यसैबीच पाकिस्तानी तालिवानले सार्वजनिक गरेको भिडियो पेशावरमा १ सय ३२ जना स्कुले बाल/बालिकाको ज्यान लिने घटनाका योजनाकार अमर मन्सुर तीन सन्तानको बाबु भएको जनाइएको छ। ३६ वर्षे मन्सुरले भिडियोमा पाकिस्तानी सेनाले आफ्ना श्रीमती र छोरीछोरी दिनहुँ मारिरहेकाले त्यसको बदलामा विद्यालयमा आक्रमण गरेको बताएका छन। 'हाम्रा श्रीमती र बच्चाहरु सहिद बन्छन भने तिमीहरुका सन्तान कसरी बच्लान र? उनले भिडियोमा भनेका छन्।
