इस्लामाबादको एक कट्टरपन्थी मस्जिदका प्रमुखले शुक्रबार तालिवानविरुद्ध सेनाको आक्रमण गैरइस्लामी भएको दाबी गर्दै लडाकूले १३३ बालबालिकाको हत्या गरेको कार्य उनीहरूमाथि भएको हवाई आक्रमणको बदला भएको बताएका छन्।
तेहरिक–ए–तालिवान पाकिस्तान ९टीटीपी० ले उक्त आक्रमण सेनाले हाल उनीहरूको बलियो नियन्त्रण रहेको उत्तरपश्चिमी भागमा गरेको आक्रमणको बदला भएको दाबी गरेको छ।
‘लाल मस्जिद’मा मौलाना अब्दुल अजिजले प्रार्थनाकर्मीलाई सम्बोधन गर्दै आफूले पनि पीडितका परिवारले झैँ पीडा भोगेको तर टीटीपीको प्रतिक्रिया बुझ्नसकिने भएको बताए।
‘‘हे शासक, हे सत्तामा रहेका व्यक्ति, तिमीले यस्तो काम गर्छौ भने त्यसको प्रतिक्रिया हुन्छ्’’, उनले भने।
जुन महिनामा उत्तरी वजिरिस्तान तथा खैबर आदिवासी क्षेत्रमा टीटीपीको केन्द्रमाथि सेनाले आक्रमण गर्न थालेपछि हालसम्म एक हजार ७०० लडाकूको मृत्यु भएको अनुमान गरिएको छ।
पेसावरमा भएको आक्रमणपछि सेनाले लडाकूको अन्त्य गर्ने आफ्नो प्रयासलाई दोब्बर बनाउने दृढता देखाएको छ भने अजिजले उनीहरूको सङ्घर्षप्रति भत्र्सना गरेका छन्।
उनले उत्तरी वजिरिस्तानमा कारवाही गैरइस्लामी भएको बताए।
उनले यस विषयमा विवाद गर्न सकिने, यस विषयमा विवादका लागि भारत तथा बङ्गलादेशबाट विद्वान बोलाउन सकिने तर आफूले यो कारवाही गैरइस्लामी भएको प्रमाणित गरिदिने दाबी गरे।
लाल मस्जिद राजधानीको मध्यभागमा संसद भवननजिकै रहेको छ। यहाँ सन् २००७ मा सेनाले लडाकूमाथि एक साता लामो कारवाही गरेको थियो र त्यस कारवाहीमा १०० व्यक्तिको मृत्युभएको थियो।
पाकिस्तानमा पेसावर आक्रमण र त्यसमा बालबालिकाको मृत्युका कारण तालिवानका समर्थक तथा कट्टरपन्थी धर्मगुरुमाथि पनि कारवाही हुनुपर्ने माग बढेको छ।
शुक्रबार लाल मस्जिदको बाहिरी भागमा नागरिक समाजको प्रदर्शनलाई प्रहरीले रोकेको थियो भने त्यसनजिकै कट्टरपन्थीको प्रदर्शनलाई पनि उनीहरूले अनुमति दिएका थिए। रासस्एएफपी