गोली हानेर किशोरको हत्या गर्ने प्रहरी अधिकारीलाई मुद्दा अघि बढाउन नपर्ने फैसला भएपछि त्यसको विरोधमा अमेरिकाभर प्रर्दशन भइरहेको छ। गत अगस्टमा अमेरिका मिसौरी राज्यको फर्गुसनमा प्रहरीको गोली लागेर १८ वर्षिय किशोर माइकल ब्राउनको मृत्यु भएको थियो।
उनी कालाजातिका थिए। उनलाई गोली हान्ने प्रहरीचाँही गोरा थिए।
अहिले प्रहरीलाई गोरा जाति भएकै कारण ग्राण्ड ज्युरीले मुद्दा चलाउन नमानेको भन्दै आन्दोलन भइरहेको छ।
प्रर्दशनकारीले सडकमा जाम गरेका छन भने नाराबाजी पनि गरिरहेका छन। कैयौं प्रर्दशनकारीलाई प्रहरीले हिरासतमा लिएको छ। राष्ट्रपति बाराक ओबामाले शान्तिपूर्ण तरिकाले समस्याको समाधान निकाल्ने बताएका छन। संयुक्त राष्ट्रसंघका महासचिव वान कि मुनले पनि प्रर्दशनकारीलाई हिंसा नभड्काउन आग्रह गरेका छन।
