पाटीभित्र अनसाशनको कारबाहीमा परेको पद्म सुन्दर लावती र उनका छोरा सगुन लावतीले आफूहरुलाई राप्रपा नेपालका अध्यक्ष कमल थापाले हतास मानसिकताको कारण प्रचलित कानून र पार्टी विधान विपरित स्पष्टीकरणको मौका नदिइ ठाडो निश्कासन गरेको आरोप लगाएका छन्।
पार्टीको अनुसाशन विपरित गतिविधि गरेको आरोपमा अध्यक्षले
साधारण सदस्यसमेत नरहने गरी निश्कासन गरेको भोलिपल्ट कारबाहीमा परेका बरिष्ठ नेता पदमसुन्दर र युवा नेता सगुनले प्रेस विज्ञप्ति जारी गर्दै आफूहरुले देशव्यापी रुपमा चलाएको पार्टी सुदृढीकरण अभियानको सफलताबाट अत्तालिएर अध्यक्षले स्वेच्छाचारी र गैरराजनीतिक कदम चालेको दाबी गरेका छन्।
आफूहरुलाई एउटै विषयमा पटक पटक कारबाही गर्नु हास्यास्पद र औचित्यहिन भन्दै लावतीबाबुछोराले आफ्नो विषयमा पार्टीको केन्द्रीय कार्य समितिमा छलफल गराउन अध्यक्ष थापालाई चुनौति दिएका छन्।
उनीहरुले आफू पार्टी एकताको पक्षमा रहेको उल्लेख अध्यक्ष थापा स्वयम् पार्टी फुटाउन तल्लिन रहेको आरोप लगाएका छन्। थापाको कार्यशैलीको विरोधमा लावतीद्धयले पार्टी सुदृढीकरण अभियान चलाएका थिए।
