संसद्को जलश्रोत तथा कृषि समितिले अघिल्लो पटक उपस्थित हुन अटेर गरेका अख्तियार प्रमुख लोकमानसिंह कार्कीलाई फेरि बोलाउने भएको छ।
समितिका एक सदस्यले सेतोपाटीसँग कुरा गर्दै भने, 'हामी उनलाई फेरि बोलाउने टुंगोमा पुगेका छौ। सार्कले गर्दा सबैको ध्यान त्यतै गएकोले सम्मेलन सकिने बित्तिकै बोलाउने छौ।'
उनले अर्को हप्ता आईतबार समितिको बैठक बसेर सोमबार वा मंगलबार उपस्थित हुन लोकमानलाई पत्राचार गरिने बताए।
यो पनि हेर्नुहोस्
'निर्माणको प्रक्रियामा अघि बढेका दर्जनौ जलविद्युत आयोजनाको भबिष्यबारे अख्तियारको निर्देशनले जस्तो अन्योल देखिएको छ त्यसबारे जलश्रोत समिति एउटा निस्कर्षमा पुग्नैपर्छ,' ति सदस्यले भने, 'हामी लोकमानको भनाई सुनेर मात्र निष्कर्षमा पुग्न चाहन्छौ।'
अघिल्लो पटक जलश्रोत समितिले लोकमानलाई छलफलका लागि बोलाएपछि उनले समितिको क्षेत्राधिकारमाथि प्रश्न उठाउँदै उपस्थित हुन अस्वीकार गरेका थिए। संसद्को नियमवाली अनुसार अख्तियार सुशासन समिति अन्तर्गत पर्ने भएकोले आफू सो समितिमा मात्रै उपस्थित हुने उनले बताएका थिए।
यो पनि हेर्नुहोस्
क्षेत्राधिकारको विवाद उठेपछि सभामुख सुवास नेम्वाङले संसदका जुनसुकै समितिलाई आवश्यक परेको बेला कुनै पनि संबैधानिक निकाएका मानिसलाई बोलाउने अधिकार रहेको बताएका छन्।
विगतमा प्रधानमन्त्री, मन्त्रीहरु संवैधानिक निकायका प्रमुखहरु संसदका विभिन्न समितिहरुमा उपस्थित भएर सभासद्हरुका प्रश्नका उत्तर दिएका उदाहरण छन्।