पद्मसुन्दर लावतीको अगुवाईमा संगठित राप्रपा नेपालको असन्तुष्ट समूहले गणेश थापालाई सभासदबाट फिर्ता बोलाउन माग गरेको छ।
थापालाई फिर्ता बोलाएर अर्को योग्य व्यक्तिलाई सभासदमा पठाउन पनि भेलाले माग गरेको छ। थापा पार्टी अध्यक्ष कमल थापाका कान्छा भाई हुन्।
अखिल नेपाल फुटबल संघका पूर्व अध्यक्ष थापा माथि संसद्को लेखा समितिले करोडौ भ्रष्टाचार गरेको आरोप लगाउदै सरकार र अख्तियारको ध्यान आकर्षण गराएको छ। लेखा समितिको छानबिन पछि सरकारले थापालाइ निलम्बन गरेको थियो।
देशभरका १००० हजार कार्यकर्ता उपस्थित भएको दावी गरिएको भेलाले पार्टी अध्यक्ष थापालाई पनि राजिनामा गर्न २१ दिने अल्टिमेटम दिएको छ।
'भाई थापालाई पनि फिर्ता बोलाएनन र आफूले पनि राजिनामा दिएनन् भने हामी छुटै पार्टी खोल्न बाध्य हुने छौ', असन्तुष्ट समूहका एक नेताले सेतोपटीलाई बताए।
'दाई थापाको राजीनामाको माग भने भाई थापालाई हटाउने दवाब स्वरूप आएको हो', अर्का असन्तुष्ट पक्षका नेताले सेतोपटीसँग भने।