प्रधानमन्त्री सुशील कोइरालाले कांग्रेस एमालेले एमाओवादीलाई एक्ल्याउन नभएर सँगै लैजाने प्रतिवद्दता गरेपछि एमाओवादी अध्यक्ष प्रचण्ड संवाद समितबाट प्रतिवेदन संविधान सभामा पठाउन राजी भएका छन्।
शनिबार दिउँसो प्रधानमन्त्री निवास बालुवाटारमा भएको प्रचण्डसँगको भेटवार्तामा प्रचण्डले कांग्रेस एमाले मिलेर एमाओवादीलाई एक्ल्याउँदै संविधान लेख्न खोजेको आफूलाई आशंका भएको र त्यो आशंका प्रधानमन्त्रीले निवारण गर्नुपर्ने बताएका थिए।
भेटमा चुनाव परिणामलाई इंगित गर्दै प्रचण्डले कोइरालालाई भने, 'तपाईहरूले आजको स्थिति हेरेरमात्र हुँदैन हामी लामो यात्रा तय गरेर यहाँसम्म आइपुगेका छौं। १२ बुँदेदेखि यहाँसम्म आइपुग्नुमा एमाओवादीको पनि भूमिका छ भन्ने विर्सनु भएन।'
'मैले शान्ति र संविधानका लागि आफ्नै साथीहरूबाट बन्दुक खोसेर सरकारलाई बुझाएको पनि नबिर्सनुहोला,' दाहालले भने, एमाओवादीलाई पन्छाएर संविधान लेखिन्न।'
सुशील कोइरालाले प्रचण्डलाई आश्वस्थ पार्दै भने, 'कांग्रेस-एमालेले एमाओवादीलाई पन्छाएर संविधान जारी गर्न खोजेको होइन, हामी सबै दल मिलेर भरसक सहमतिको संविधान जारी गर्नुपर्नेमा विश्वस्थ छौ, म त्यसको लागि प्रतिवद्ध छु र त्यसकै लागि मेरो भूमिका हुन्छ।'
यसबीषयमा कोइरालाले प्रचण्डले साझ त्रिपक्षीय बैठक बोलाएर छलफल गरेका थिए।
हिजो बेलुकाको छलफलमा कांग्रेस एमालेले भरसक एमाओवादीले सहमती खोजेर मात्र प्रतिवेदनमाथि संविधानसभामा छलफल गराउँने आश्वासन दिएपछि एमाओवादी असहमतिका बावजुत पनि प्रतिवेदन संविधान सभामा पठाउन राजी भएका हुन्। तर, त्यसरी प्रतिवेदन पठाउँदा चै के लेखेर पठाउँने भन्ने छलफल गरेर आजसम्ममा टुंगो लगाउने साँझ बसेको बैठकमा छलफल भएको थियो।
