भारतीय प्रधानमन्त्री नरेन्द्र मोदीको काठमाण्डौं बाहिरका धार्मिक भ्रमण अन्ततः रद्द भएको भारतले पुष्टी गरेको छ।
भारतीय बिदेशमन्त्रालयका प्रवक्ता सैयद अकबरुद्दिनले आइतबार बिहान ट्वीट गर्दै मोदीले सार्क सम्मेलनका क्रममा काठमाडौको मात्र भ्रमण गर्ने बताएका छन्। उनले मोदीले भारतमा गरिएका प्रतिबद्धताका कारण बाहिरका भ्रमण स्थगित गर्नुपरेको बताएका छन्।
यसअघि मोदीको जनकपुर, लुम्बिनी र मुक्तिनाथ भ्रमणको तयारी भइरहेकाबेला भारतीय पक्षले मोदीले काठमाडौ बाहिरको धार्मिक भ्रमण रद्द गरेको बताएको थियो। यद्यपी भारतीय दूतावासले पुष्टी गरेको थिएन।
तर, भारतले औपचारिक जानकारी नदिंदै नेपाल सरकारका मन्त्री बिमलेन्द्र निधिले एक बिज्ञप्ति जारी गर्दै एकाएक मोदीको काठमाडौंबाहिरको भ्रमण रद्द भएको बताएका थिए।
त्यसपछि नेपाल सरकारले भ्रमण स्थगित नभएको भन्दै पुनः भ्रमणको तयारी थालेको थियो। शनिबार राति नेपालका प्रधानमन्त्री सुशील कोइरालाले मोदीलाई फोन गरी भ्रमण रद्ध नगर्न आग्रह गरेका थिए। टेलिफोनमै मोदीले यहाँ छलफल गरेर भ्रमणबारे तय हुने जानकारी दिएका थिए।
