पैसा कमाउन विदेश गएका श्रीमानले कमाएको पैसा सकेर अर्कैसंग विहे गर्ने महिलाहरुको कारणले समाज र परिवार विग्रीदै गएको धेरै सुनिन्छ।
तर, राष्ट्रिय मानव अधिकार आयोगले भने, यस्ता आक्षेपहरु नै महिलामाथिको हिंसा र महिलाको आत्महत्याको कारक भएको जनाएको छ।
खोटाङ,ओखलढुङ्गा, सोलुखुम्बु र रामेछापको भ्रमण गरेर आएको आयोगको टोलिले जिल्लाहरुमा महिला माथि हुने हिंसाको अवस्था गम्भीर भएको उल्लेख गरेको छ।
‘ती जील्लाहरुमा महिला हिंसा र महिलाको आत्महत्या निकै बढेको पाइयो,’ आयोगको टोलीले पेश गरेको प्रारम्भिक प्रतिवेदनमा उल्लेख छ, ‘महिलाआत्महत्याको मूल कारणमा वैदेशिक रोजगारीमा रहेका श्रीमानले श्रीमतीलाई आर्थिक हिनामिनाको आरोप र चारित्रिक लाञ्छना लगाउने जस्ता पक्षहरु पाइयो।’
