भारतीय प्रधानमन्त्री नरेन्द्र मोदीको जनकपुर भ्रमण कार्यक्रम स्थगीत बारे आधिकारिक रुपमा परराष्ट्र मन्त्रालयलाई कुनै जानकारी नआएको परराष्ट्र मन्त्री महेन्द्रबहादुर पाण्डेले बताए।
'मोदीले विभिन्न महत्वपूर्ण स्थानको भ्रमण गर्ने विषयमा उताबाट व्यूरोक्रेटीक तहमा अहिलेको कार्यक्रम अलि पर सार्ने कि भन्ने करा भएपनि अहिलेसम्म आधिकारिक जानकारी आएको छैन,' पाण्डेले भने।
उनले जुनसुकै राष्ट्रका सरकार वा राष्ट्र प्रमुखले नेपालका ऐतिहासिक, सांस्कृतिक, पूरातात्विक र पर्यटकीय महत्वका स्थलहरुको भ्रमण गर्ने इच्छा व्यक्त गरेका सरकारले त्यसको आवश्यक व्यवस्था गर्न तयार रहेको उनले बताए।
भौतिक पूर्वाधार तथा यातायात व्यवस्था मन्त्री विमलेन्द्र निधिले
बक्तव्य निकालेर मोदीको जनकपुर भ्रमण रद्ध भएको जानकारीको विषयमा स्पष्ट पार्दै मन्त्री पाण्डेले भने।
बिहिबार निधिको वक्तव्य लगत्तै पाण्डेले त्यसबारेमा सोधपुछ गर्दा निधिले जनकपुरको कुरा पाण्डेले बुझ्न नसक्ने जावफ दिएको पाण्डेले बताए।
सरकारकै एक मन्त्रीले भ्रमण स्थगित भयो भनि वक्तव्य जारी गर्ने र प्रधानमन्त्रीदेखि परराष्ट्र मन्त्री र मन्त्रालयका अधिकारीले कुनै जानकारी नआएको भन्ने विषयले सरकार र संचारमाध्यममाथिको विश्वसनियतामा प्रश्न उठाएको संचारकमीले गुनासो गरेका थिए।
त्यसको जवाफमा मन्त्री पाण्डेले विदेश मामिलाको विषयमा विदेश मन्त्रालयको भनाई आधिकारीक भएको उल्लेख गर्दै अरु ठाँउको कुरा आधिकारिक नहुने बताए। उनले कुराकानीका आधारमा नै निश्कर्षमा पुगी बक्तव्य दिदा अहिलेको समस्या आएको उनले बताए।
मोदीको सम्मानमा दिने भनिएको नागरिक अभिनन्दन कार्यक्रम स्थलको विषयमा चलेको विवादको विषयमा बोल्दै पाण्डेले भने, कुनै पनि देशको राष्ट्राध्यक्ष, उनका परिवारले भ्रमण गर्न चाहेमा हामीले त्यसको व्यवस्था मिलाउछौं। जानकी मन्दिर वा बाह्रविघामा कार्यक्रम गर्ने विषयको र कार्यक्रम स्थलको निर्णय विविध कुरा हेरी गरिने बताए।
उनले दक्षिण एशियमा सुरक्षा, स्थान र व्यवस्थापनको विषयमा हामी गम्भीर हुनैपर्छ, उनले भने, धेरै प्रभावशाली नेताहरु जो यो क्षेत्रलाई नेतृत्वगर्न सक्ने थिए उनीहरुकेा इतिहास पनि हेर्नु पर्छ।
विदेशी पाहुनाको भ्रमणको व्यवस्थापन स्थानिय तहबाट प्राप्त सुचनाको आधारमा तय हुने उनले बताए।