संवैधानिक–राजनीतिक संवाद तथा सहमति समितिका सभापति तथा एनेकपा माओवादीका नेता डा.बाबुराम भट्टराईले नेपाली क्रिकेट टीमलाई बधाई दिएका छन्।
नेपाल आइसीसी वर्ल्ड क्रिकेट लिग डिभिजन थ्री च्याम्पियन बनेकोमा नेपाली क्रिकेट टीमका कप्तान पारस खड्कामार्फत सम्पूर्ण टीमलाई बधाई दिएका हुन्।
सभापति भट्टराईले कप्तान खड्कालाई आज बिहान टेलिफोन गरी नेपाली क्रिकेट टीम, कप्तान र प्रशिक्षकलाई बधाई दिएका हुन्।
सभापति भट्टराईले नेपाली टीमको खेल र टीम स्पिरिटको खुलेर प्रशंसा गरेका थिए। देशमा चौतर्फी अन्योल र निराशा छाइरहेको बेला नेपाली क्रिकेट टिमले यस्ता अन्तर्राष्ट्रिय प्रतियोगितामा जित हासिल गरेर सम्पूर्ण देशवासीमा आशा र विश्वासको सकारात्मक वातावरण निर्माण गर्न महत्वपूर्ण योगदान गरेको भट्टराईले कप्तान खड्कालाई बताएका थिए।