संविधानका विवादित विषयमा सहमति जुटाउन संवैधानिक राजनीतिक संवाद तथा सहमति समितिले छलफललाई तिब्रता दिएको छ।
विभिन्न चरणमा छलफल सुरु गरेको समितिले आइतबार बिहान न्यायाधीशहरुसँग छलफल भएको छ। समितिका सभापति बाबुराम भट्टराईको पहलमा बिहान न्यायाधीशहरुसँग सिंहदरबारमा छलफल हुनेछ। न्याधीशहरूसँगको छलफल पछि आजै निर्वाचन प्रणालीका बारेमा छलफल गर्न साढे १० बजे पछि निर्वाचन आयोगका पदाधिकारीहरुसँग समितिले छलफल गर्ने कार्ययोजना तय गरिएको छ।
दिउँसो एमाओवादी र नेकपा एमालेका शीर्ष नेताहरुबीच छलफल हुने समितिका सभापति भट्टराईले जानकारी दिएका छन्।
दुई ठूला दल एमाले र कांग्रेसबीचको छलफललाई संविधानका विवादित विषयमा टुंगोमा पुर्याउन पहल स्वरुप आह्वान गरिएको हो । छलफल बेलुका पाँच बजे हुने तय भएको छ।
आज दुई दलबीच छलफल गरेर भोलि तीन दलको निर्णायक छलफल गर्ने समिति सभापति भट्टराईले जानकारी दिए।
संविधानका विवादित विषयमा सहमति जुटाउन समितिलाई आगामी कात्तिक १५ गतेसम्मको समयसीमा तोकिएको छ।