नेकपा एमालेका नेता एवम पूर्व प्रधानमन्त्री माधवकुमार नेपालले आगामि मंसिरसम्म सहमतिको लागि प्रयास हुने स्पष्ट पारेका छन्।
रिपोर्टर्स क्लब नेपालले तोकिएकै समयमा संविधान निर्माण गर्न दवाव दिने उद्देश्यले सुरु गरेको देउसी भैलो कार्यक्रमपछिको साक्षात्कारमा उनले भने–मंसिर महिनासम्म सहमतिको अधिकतम प्रयास गर्ने हो। त्यसपछि प्रक्रियामा गएर संविधान बनाईन्छ।
नेपालले नेपाली काग्रेस र एमाओवादीले आट गर्ने हो भने माघ ८ भित्रै संविधान जारी गर्ने गरि सहमति बन्न सक्ने भन्दै आट गरेर अघि बढ्न आग्रह गरे। उनले भने–काग्रेसले आट गर्ने हो र एमाओवादी जातीय सक्रमणबाट मुक्त हुने हो भने संविधान माघ ८ मै जारी हुन्छ।
नेपालले संघीयता सामर्थ्य र पहिचानको आधारमा हुने दावी गर्दै जातीय आधारमा संघीयता हुनै नसक्ने ठोकुवा गरे।
शासकीय स्वरुपमा प्रत्यक्ष निर्वाचित वा संसदबाट निर्वाचित प्रधानमन्त्री हुने स्पष्ट पार्दै निर्वाचन प्रणालीमा प्रतिनिधिसभा मा प्रत्यक्ष निर्वाचित र राष्ट्रिय सभामा समानुपातिक प्रतिनिधि हुने बताए।
नेपालले संविधानसभाको संख्यात्मक बातावरण हेर्ने हो भने जसरी पनि संविधान जारी हुने कसैले पनि बटम लाईन नबनाई, स्वार्थमुक्त भएर प्रयास गरे सहमतिको साथमा संविधान जारी हुने विश्वास ब्यक्त गर्दै सहमति हुन नसके प्रक्रियाबाट संविधान जारी हुने ठोकुवा गरे।
