कानून मन्त्री नरहरी आचार्यले प्रमुख दलबीच शासकीय स्वरुप र न्यायपालिकाको विषयमा रहेको मतभेदमा लगभग सहमति भईसकेको दाबी गरेका छन। रिपोर्टर्स क्लब नेपालले तोकिएकै समयमा संविधान निर्माण गर्न दवाव दिने उद्देश्यले सुरु गरेको देउसी भैलो कार्यक्रमपछिको साक्षात्करामा उनले शासकीय स्वरुप र न्यायपालिकाको विषयलाई अन्तिम रुप दिन मात्रै बाँकी रहेको स्पष्ट पारे।
मन्त्री आचार्यले अहिलेको मुल विवाद संघीयता रहेको र त्यसमा पनि दलहरुवीचको मतभेद साघुरिदै गएकोले छिट्टै सहमति बन्ने विश्वास ब्यक्त गरे। उनले प्रक्रिया पनि सहमति नै भएकोले विवादित विषय र प्रश्नावली दलहरुको सहमतिमै अघि बढ्ने बताए।
उनले सहमति र प्रक्रिया अलग अलग विषय भएको भनि भ्रम रहेको भन्दै पूर्ण सहमति हुन नसक्ने भएकोले अधिकतम सहमति गरेर आगामि माघ ८ गतेभित्रै संविधान जारी गर्ने दावी गरे ।
