पूर्व मन्त्री एवमं सदभावना पार्टीका अध्यक्ष राजेन्द्र महतोले संविधान निर्माणको मुख्य बाधक कांग्रेस र एमाले भएको बताएका छन्। मधेसी पत्रकार समाज पर्साले मगंलबार वीरगन्जमा आयोजना गरेको पत्रकार सम्मेलनमा अध्यक्ष महतोले नेकपा एमाले र नेपाली कांग्रेस एकात्मक सोजबाट ग्रसित भएकोले सविधान निर्माण हुन नसकेको बताएका छन्।
आफूलाई ठूला दल भनाउँदाहरूको गणितीय दम्भमा संविधान घोषणा गर्न खोजेकोले सविधान निर्माण नभएको धारणा अध्यक्ष महतोले पत्रकार सम्मेलनमा व्यक्त गरेका छन्। विगतमा भएका सहमती र सम्झौता विपरीत संविधान धोषणा गरे मधेसी दललाई कुनै पनि हालतमा मान्य नहुने बताएका छन्।
मधेस आन्दोलनपछि भएको आठ बुँदे सहमतीमा स्पष्ट रूपमा स्वायत मधेस प्रदेश घोषणा गरिने उल्लेख गरिएको स्मरमण गराउँदै अध्यक्ष महतोले भने,'गिरिजाप्रसादले मधेस आन्दोलपछि भएको आठ बुँदे सहमतिमा हस्ताक्षर गर्ने र सुशील कोइरालाले नमान्ने? मधेसलाई यो सरकारले ५ देखि ७ प्रदेशको खाँकामा विभाजन गर्न खोजेको छ। हामीलाई कुनै पनि हालतमा मान्य हुदैन।”
उनले एमाले र कांग्रेसले मधेसमा जातीय ,भाषिक ,धार्मिक द्धन्द निम्त्याउन खोजेको आरोप लगाउँदै मधेसको सवालमा सम्पूर्ण मधेसवादी दल एक रहेको बताए थिए। परिर्वतनकारी शक्तिहरुलाई पाखा लगाई पुनः देशमा २०४७ को संबिधानलाई परिवर्तीत रूपमा कांग्रेस एमालेले ल्याउन खोजेको आरोप समेत नेता महतोको रहेको थियो। नेता महतोले सम्झौता पूरा नगरिए तेस्रो मधेस आन्दोलनको बिगुल बाराको सिम्ररौनगढबाट शुरु गर्ने चेतावनी समेत दिएका थिए।
पत्रकार सम्मेलनमा सदभावना पार्टीका केन्द्रिय सदस्य निजामुद्दिन समानी,योगेन्द्र राय यादव,मोहनलाल चौधरी ,पर्सा जिल्ला अध्यक्ष इमदाद गदि, सचिव राजेश साह लगायतका उपस्थिती रहेको थियो।
