बेलैमा सहमति गर्न नसक्दा पहिलो संविधानसभा संविधान नबनाइ विघटन भएको भन्दै राष्ट्रिय जनमोर्चा का अध्यक्ष चित्रबहादुर केसीले प्रक्रियामै गएर संविधान बनाउनुपर्नेमा जोड दिएका छन्।
संविधानका अन्तरवस्तुमा सहमति गर्न बनाइएको संवैधानिक राजनितिक संवाद तथा सहमति समितिको म्याद नथप्न र प्रक्रियामा जान आग्रह गर्दै उनले आइतबार सभाध्यक्ष सुवास चन्द्र नेम्वाङलाई लिखित पत्र बुझाए।
दोस्रो पटक म्याद थपेर विवादित विषय सुल्झाउन समितलाई असोज मसान्त सम्म म्याद दिए पनि सहमति जुटाउन सकेको थिएन। उक्त समितिको म्याद फेरि पनि थप्ने बारे कुरा उठिरहेको छ। समितिले सहमति जुटाउन नसकेकाे प्रतिवेदन संविधानसभामा पठाइसकेको छ।
‘अहिले पनि चुनाव भएको यति लामो समय सम्म संविधानका अन्तरबस्तुबारे सहमति हुन सकेको छैन।’ केसीले लेखेका छन् ‘बारम्बार म्याद थप्दै जाने हो भने पहिले जस्तै वर्तमान संविधानसभाको पनि अत्य हुने संवाभना रहने छ।’
उनले समितिको म्याद थप्ने कुराको विरोध गर्दै प्रक्रियामै गएर संविधान बनाउनुपर्ने आवश्यकता भएको उल्लेख गरेका छन्। समितिको म्याद थप्ने / नथप्बानेबारे निर्णय गर्न अाइतबार दिउँसाे संविधानसभाको बैठक बस्दै छ।
माघ ८ मा संविधान जारि गर्ने भनिए पनि संविधानका प्रमुख चार विषय राज्य पुनसंरचना, शासकीय स्वरुप, न्यायप्रणाली र निर्वाचन प्रणालीबारे सहमति भएको छैन। प्रमुख तीनदलले प्रमुख विषयमा सहमति जुटाउन पटक पटक बैठक गरेपनि सहमतिमा पुग्न सकेका छैनन्।
