उपप्रधान तथा गृहमन्त्री वामदेव गौतमले बढुवा सिफारिस भएका १३ एसएसपीलाई डिआइजीमा बढुवा गर्ने निर्णय सोमबार गरेको छ।
एसएसपीहरु रामकुमार खनाल, मनोहर रिमाल,पुर्णसिंह खड्का, पशुपति उपाध्याय, देवेन्द्र सुवेदी, विजयलाल कायस्थ, मधु पुडासैनी, माधव जोशी, केशरीराज घिमिरे, कमलसिंह बम, मिङमार लामा, पङकज श्रेष्ठ र माधव नेपाललाई डिआइजी बनाउने निर्णय गौतमले गरेका हुन्। एसएसपी ज्ञानोदराज वैद्यले आफूलाई डिआइजी नबनाएको भन्दै गरेको उजुरीको सुनुवाइसमेत भएन। उनले गरेको उजुरीमा आधार नभएको भन्दै उनको कार्यसम्पादन मूल्यांकनबाट २ अंक काट्ने निर्णयसमेत भएको छ।
