व्यवस्थापिका संसदको बैठक शुक्रबार पनि अवरुद्ध भएको छ। वैठकमा एमाओवादी सभासद् जनार्दन शर्माले प्रधानमन्त्रमन्त्री देशलाई डामाडोल छाडेर राष्ट्रसंघ महासभामा जान लागेको भन्दै बिरोध गरेको थिए।
सभामुख सुवाषचन्द्र नेम्वाङ्ले पनि बिहिवार सदन खुलाउन रुलिङ गरेको स्मरण गराउँदै उनले भने, 'बिहान र दिउँसो पनि तीन दलको वार्तामा सहमति हुन सकेन।'
संविधान माघ ८ मा बन्ला भन्ने डरले कांग्रेस, एमालेले चार बुँदे सहमति कार्यान्वयन गर्न तयार नभएको आरोप एमाओवादीले लगाएको छ।
'आज प्रधानमन्त्रीको भ्रमण रोकी रातभरी बसेर भने पनि सहमति कायम गरियोस,' शर्माले माग गरे। त्यसपछि सभामुखले विपक्षी दलले अवरोध गरेको अवस्थामा सदन चल्ने सक्दैन भनि असोज ५ गते सम्मका लागि स्थगित गरेका छन्।
प्रधानमन्त्रीको अमेरिका भ्रमण सुरु हुनुअघि नै संसद् खुलाउन बिहान र दिउँसो तीन दलका नेताबिच बैठक बसेको थियो।
एमाओवादीले माग गरे जस्तो राजनीतिक संयन्त्रमा तीन दल, मधेसको एक र दोस्रो जनआन्दोलनका सात दल मध्ये एक प्रतिनिधि राख्न कांग्रेस, एमाले तयार भए। द्वन्द्वकालमा 'माओवादी सरकार'ले रजिष्ट्रेसन पास गरेको रुकुम, रोल्पाको जग्गाको विषय पनि माओवादीले झिक्यो।
तीन दलको बैठकमा सहभागी कांग्रेस उपसभापति रामचन्द्र पौडेलले भने, 'हामीले अध्ययन टोली बनाऊ भन्यौं, त्यसपछि फेरि माओवादी नै पछि हट्यो।'
