प्रधानमन्त्री सुशील कोइरालाले आज (शुक्रवार) अपरान्ह अमेरिका भ्रमणमा निस्कनुअघि संसद् सुचारु गराउन अन्तिम पहल गरिररहेका छन्। सत्तारुढ कांग्रेस, एमाले र एमाओवादीका नेताविच विहानदेखि संसद् खुलाउनेबारे औपचारिक/अनौपचारिक छलफल भइरहेको छ। तर परिणाम आएको छैन.
बिहान वालुवाटारमा बसेको तीन दलको बैठक पनि विना निश्कर्ष टुंगिएको थियो। दिउँसो एक बजेको लागि संसद् डाकिएको छ। 'अहिलेसम्म सहमति भएको छैन,' कांग्रेस सहमहामन्त्री पूर्णबहादुर खड्काले भने।
विपक्षी एमाओवादीले केहि सातादेखि संसद् अवरुद्ध गर्दै आएको छ। प्रधानमन्त्रीको प्रयास सफल भएन भने दसैंतिहारपछि मात्र संसद् सुचारु हुनेछ। अमेरिका र यूरोप भ्रमण सकेर प्रधानमन्त्री कोइराला असोज १६ गते स्वदेश फर्कनेछन्।