आजबाट सुरू गर्ने भनिएको नेकपा-माओवादीको नेवा-ताम्सालिङको राज्यको संयुक्त प्रशिक्षण कार्यक्रमलाई विप्लप पक्षका केन्द्रीय सदस्य र दश जिल्लाका १३ प्रतिनिधिले बहिस्कार गर्ने भएका छन्। कार्यक्रममा ३० प्रतिनिधिको सहभागि हुने तय भएको थियो।
नेकपा-माओवादीका अध्यक्ष मोहन वैद्यले उद्घाटन गर्ने कार्यक्रममा फरक मत राख्दै आएको विप्लप पक्षका १३ प्रतिनिधिले बहिस्कार गर्ने भएका हुन्।
नेवा राज्य समितिको कार्यकालय कुपण्डोलमा हुने भनिएको कार्यक्रमलाई बहिस्कार गर्नेमा अनिल शर्मा, गुणराज लोहनी, माइला लामा, किरन पुनलगायत रहेका छन्।
केन्द्रीय सदस्य अनिल शर्मा विरहीलाई निलम्बन गरेको विरोधमा विप्लव समूहले पार्टीको प्रशिक्षण नै बहिस्कार गर्ने निर्णय गरेको हो। 'उहाँ ताम्सालिङको स्कुलिङ विभाग इन्चार्ज हुनुहन्छ, उहाँमाथिको कारबाही विवाद टुंगो लागि नसकेकाले नजाने निर्णय गरेका छौं’,-नेता ईश्वरी दाहालले भने।
