युनिसेफ अन्तर्गतको महिला स्वास्थ्य स्वयंसेविका सम्बन्धी कार्यक्रम गर्न भन्दै पैसा लिने र नगर्ने जिल्ला स्वास्थ्य कार्यालय तनहुँका प्रमुख डाक्टर सुशीलनाथ प्याकुरेल सहित ५ जनालाई अख्तियारले मुद्दा चलाएको छ।
५ वर्ष अघि महिला स्वयंसेविकाको समीक्षा, गोष्ठी, रिफ्रेसर, रिभ्यु, मिटिङ लगायतका कार्यक्रमा लागि पेश्की लिएर कार्यक्रम संचालन नगरि झुट्ठा विल बनाएको आरोपमा अख्तियारले विषेश अदालतमा उनीहरुलाई मुद्दा चलाएको हो।
यसरी झुठो विवरण बनाएर ६ लाख ५८ हजार रुपैँया भ्रष्टाचार गरेको उनीहरुमाथि आरोप लगाएको छ।
सुशीलनाथ प्याकुरेल,परिवार नियोजन सुपरभाइजर अजय कुमार श्रीवास्तव,लेखा अधिकृत भोजबहादुर थापा,लेखापाल मानकुमार तिम्ला,कार्यक्रम फोकल पर्सन चन्द्रमणि अधिकारी समेत ५ जना विरुद्ध अख्तियारले मुद्दा चलाएको हो।