नेपालबाट तराई छुट्याउन प्रशिक्षण दिदै हिँडेका डाक्टर सिके राउतलाई शुक्रबार उपस्थित गराउन सर्वोच्च अदालतले जिल्ला प्रशासन कार्यालय मोरङलाई आदेश दिएको छ।
सर्वोच्चका न्यायाधीश चोलेन्द्र शमसेर राणाको इजलासले सोमबार लिखित जवाफ सहित उनलाई अदालतमा उपस्थित गराउन आदेश गरेको हो।
‘स्वतन्त्र मधेश गठबन्धन’का नाममा तराईलाई नेपालबाट टुक्राउने अभियान लिएर हिँडेका राउतलाई शनिबार प्रहरीले पक्राउ गरेको थियो।
उनलाई नियन्त्रणमा लिएर प्रहरीले सार्वजनिक अपराधमा मुद्दा चलाएको छ।
राउतले आइतबारै सर्वोच्च अदालतमा आफ्नो नामबाट रिट दिन लगाएका थिए।
सोहि रिटमाथिको पहिलो सुनुवाईमा अदालतले जिल्ला प्रसाशन कार्यालय लगायतसंग लिखित जवाफ समेत मागेको छ।
‘लिखित जवाफ र बन्दिसहित असोज ३ गते हाजीर हुन’ अदालतले आदेश गरेको छ।
प्रकाशित मिति: 2014-09-15 18:05:08