दलहरुले आ-आफ्नै अडान राखेपछि मंगलबार बिहान बसेको प्रमुख तीन दलको बैठक बिना निश्कर्ष टुंगिएको छ। सिंहदरबारस्थित संवैधानिक समितिको कार्यालयमा बसेको प्रमुख तीन दल कांग्रेस, एमाले र एमाओवादीबीचको बैठकमा दलहरुले आ आफ्नै अडान राखेका कारण कुनै पनि सहमति बन्न नसकेको नेताहरुले बताएका छन्।
आजको बैठकमा राज्य पुर्नसंरचना र शाशकीय स्वरुप लगायत विषयमा छलफल भएको थियो। बैठकमा संविधान निमार्णका विवादीत विषयमा दलहरुले आ आफ्नै अडान राखेको कांग्रेस उपसभापति रामचन्द्र पौडेलले जानकारी दिए।
उनले भने आज सुन्ने मात्र काम भयो, सहमतिका भएको छैन्। सहमति नभए संविधान निमार्ण प्रक्रिया अनुसार नै अघि बढ्ने उनले बताए। उनका अनुसार बिहिवार पुनः ३ दलको बैठक बस्नेछ। बैठकपछि एमाओवादी नेता नारायणकाजी श्रेष्ठ प्रकाशले बैठकमा दलहरुले पुरानै अडान राखेको बताए।
बैठकमा कांग्रेसका तर्फबाट उपसभापति रामचन्द्र पौडेल, नेता महेश आचार्य, एमालेका तर्फबाट झलनाथ खनाल,माधवकुमार नेपाल, वामदेव गौतम, र एमाओवादीका तर्फबाट अध्यक्ष प्रचण्ड, बाबुराम भट्टराई र नारायणकाजी श्रेष्ठ प्रकाश सहभागी थिए।
३ दलको बैठक पछि सबैधानिक समितिको औपचारिक बैठक सिंहदरबारमा बिहान ११ बजे बस्दैछ।
आजै दिउँसो १ बजे संविधान निमार्णका विषयमा छलफल गर्न प्रमुख तीन दलले नेकपा माओवादीसँग छलफल गर्देछन्। एमाओवादीको माग अनुसार दलहरुले नेकपा माओवादीसँग छलफल गर्न लागेका हुन् ।
