सूचना तथा सञ्चार मन्त्री डा. मीनेन्द्र रिजालले नेपाली काँग्रेस र नेकपा (एमाले) एक ठाउँमा नबसी संविधान बन्न नसक्ने बताएका छन् ।
प्रेस चौतारी नेपालको ज्ञापनपत्र बुझ्दै मन्त्री रिजालले समयमा संविधान जारी नभए मुलुकले ठूलो मूल्य चुकाउने र यसको क्षति लोकतान्त्रिक शक्तिहरुलाई नै पुग्ने उल्लेख गरे ।
उनले सरकारी सञ्चार माध्यममा सकेसम्म सन्तुलन मिलाएर कार्य गर्ने विश्वास दिलाए । चौतारीका उपाध्यक्ष उपेन्द्र केसीको नेतृत्वमा गएको प्रतिनिधि मण्डलले सरकारी सञ्चार माध्यममा बिनापूर्वाग्रह नियुक्तिहरु गर्न ध्यानाकर्षण गराएको थियो । रासस
प्रकाशित मिति: 2014-09-01 14:35:47