पहिचानसहितको संघिय गणतन्त्रात्मक संविधान निर्माण नभए आफूहरुलाई संविधान कुनैपनि हालतमा मान्य नहुने संघीय गणतान्त्रिक मोर्चाका घटक दलहरुले चेतावनी दिएका छन्।
मोर्चाले वीगन्जमा शनिवार आयोजना गरेको नयाँ सविधान निर्माणमा परिवर्तन र पहिचान पक्षधर शक्तिहरुको भुमिका बिषयक विचार गोष्ठि कार्यक्रममा एमाओवादी तथा मधेशवादी दलको केन्द्रीय नेताहरुले यस्तो चेतावनी दिएका हुन्।
कार्यक्रममा एमाओवादी स्थायी समितिका सदस्य टोपबहादुर रायमाझीले कांग्रेस र एमालेको समयमा बुद्धि नफिरे मुलुक ठूलो खाडलमा फस्ने बताए। कांग्रेस र एमाले विगतमा राजतन्त्रसँग सातासाझेदारी गरेकाले अहिले पनि उनीहरुमा सामन्ती संस्कार रहेको रायमाझीले आरोप लागाए।
नेता रायमाझीले राजा महेन्द्रले निर्माण गरेको क्षेत्रीय संरचनालाई राज्य बनाउने कुरा गर्नु र त्यँही पंचायती व्यवस्थाको स्थानीय निकायको पटकपटक चुनावको कुरा कांग्रेस र एमालेले गर्नुले उनीहरु परिवर्तन विरोधी भएको प्रमाण हो भनी टिप्पणी गर्दै उनीहरु कमल थापमाको विचारको पछाडि हिडेको बताए।
पहिचान सहितको संघिय गणतन्त्रात्मक संविधान निर्माणको लागि बनेको मोर्चाले सम्पूर्ण परिवर्ततनकारी शक्तिहरुलाई एकतृत गरेर अघि बढ्ने दाबी उनले गरे।
कार्यक्रममा तराई मधेश लोकतान्त्रिक पार्टीका सहमाहामन्त्री जितेन्द्र सोनलले बिगतमा मधेशी, दलित, जनजाती लगायत शोषित पिडीत बर्गले गरेको आन्दोललनको सम्झौता अनुसार समिबधान निर्माण नभए मान्य नहुने बताए।
बिभेदलाई समयमा ब्यवस्थापन नगरे बिद्रोह हुने र बिद्रोहलाई समयमा सम्बोधन नगरे बिखण्डन हुने खतरा हुने चेतावनी दिए। कतिपय मुलुकमा यस्तो उद्हारण देख्न सकिने बताउदै उनले काँग्रेस र एमालेलाई सम्बिधान निर्माणप्रती इमान्दर हुन सुझाव दिए।
मोर्चामा आबद्ध मधेशी जनाधिकार फोरम लोकतान्त्रिकका उपाध्यक्ष गोबिन्द चौधरी, फोरम नेपालका उपाध्यक्ष लालबाबु राउत गद्दी, सदभावना पार्टी नेपालका केन्द्रिय सदस्य नेजामुदीन समानी, संघीय समाजबादी पार्टीका उपाध्यक्ष कर्णध्वज कन्दनवा र तराई मधेश सद्भावना पार्टीका अध्यक्ष महेन्द्र राय यादव लगायतले परिवर्तनका मुद्दाहरुलाई समिबधनमा संस्थागत थर्न सकिएन भने जनआन्दोलनबाट पहिचान सहितको सघिय गणतन्त्रात्मक सविधान निर्माण निर्माण गरिने बताए। यसको लागि बिभिन्न ठाउामा कार्यैक्रम गरी जनजागरण गरिरहेको मोर्चाले जनाएको छ।
