एकीकृत नेकपा माओवादीका अध्यक्ष पुष्पकमल दाहाल प्रचण्डले तोकिएको मितिमै नयाँ संविधान जारी गर्न प्रतिपक्षी पार्टी दौडेको दौडै गर्दा पनि सत्तारुढ दल नेपाली कांग्रेस र एमालेका नेताहरुले भने गंभीरता नदेखाएको आरोप लगाएका छन्।
संघीय गणतान्त्रिक मोर्चाद्धारा नयां संविधान निर्माणमा परिवर्तन र पहिचान पक्षधर शक्तिहरुको भूमिका विषयक अन्तरक्रिया कार्यक्रमलाई पोखरामा सम्वोधन गर्दै उनले नयां संविधानको मस्यौदा वुझाउने दिन नजीक आईसक्दा पनि एमालेका नेताहरुले तदारुकता नदेखाई कोही चीन, कोही भारतमा जाने र कोही वैठकमै नआउने जस्ता गैर जिम्मेवारीपन देखाएको वताए।
नेपाली कांग्रेसका नेताहरुले पनि संविधान वनाउन अझै चार वर्ष सिंगै वांकी छ भन्दै हिडेको उल्लेख गर्दै उनले संविधान वनाउनेतिर यी दुवै दल नलागेपछि संघीय गणतान्त्रिक मोर्चा गठन गरेर सदन र सडक तताउन लागिएको बताए।
प्रमुख राजनैतिक दलहरु वीच गत वर्षको पुस ९ गते उच्चस्तरीय राजनैतिक संयन्त्र वनाउने लगायत ४ वुंदे संहमति कार्यान्वयन नभएकोमा दुःख व्यक्त गर्दै उनले पहिचान सहितको संविधान नवनेमा नेपाली जनताले आन्दोलन गरी ल्याएको परिवर्तन फेरि धरापमा परी दुर्घटना हुने र लामो लडाईमा जाने खतरा वढेको तर्क पेश गरे।