राप्रपा नेता लोकेन्द्रबहादुर चन्दले आफूलाई अध्यक्ष कायम गरिपाउन माग गर्दै सर्वोच्च अदालतमा दायर गरेको रिटमा सर्वोच्चले कारण देखाउ आदेश जारी गरेको छ।
चन्दले पशुपति शमशेर जवरा अवैधानिक अध्यक्ष रहेकाले उनलाई अवैध घोषणा गर्दै साउन २२ गते आफूलाई अध्यक्ष कायम गर्न माग गर्दै रिट दायर गरेका थिए।
राप्रपा र जनशक्ति पार्टीबीच एकता महाधिवेशनका बेला भएको सहमतिअनुसार सूर्यबहादुर थापापछि आफू अध्यक्ष हुनुपर्नेमा षड्यन्त्रपूर्वक राणालाई अध्यक्ष घोषणा गरिएको चन्दको आरोप छ।
चन्द र राणा दुवैले आफूलाई आधिकारिक अध्यक्ष भएको दाबी गर्दै आएका छन्। चन्दले यसअघि आफूले आधिकारिकता माग गर्दै निर्वाचन आयोगमा निवेदन दिएका थिए। तर आयोगले राणा पक्षलाई नै आधिकारिकता दिएपछि चन्द पक्षले निर्वाचन आयोग, सूर्यबहादुर थापा, प्रमुख निर्वाचन आयुक्त र पशुपति शमशेर राणालाई विपक्षी बनाएर रिट दर्ता गरेका थिए।
